ಆಹಾರ ನಿರ್ವಹಣೆ:

ಆಹಾರ ನಿರ್ವಹಣೆ

ಸಂತಾನೋತ್ಪತ್ತಿ ಸ್ಟಾಕ್‌ಗೆ ಅಗತ್ಯವಿರುವ ಪೋಷಕಾಂಶಗಳು

ಪ್ರಕಾರಗಳು	ಗಿಲ್ಟ್‌ ಹಂದಿಗಳು	ಹಾಲುಣಿಸುವ ಹೆಣ್ಣು ಹಂದಿಗಳು	ಸಣ್ಣ ಹಂದಿಗಳು ಮತ್ತು ವಯಸ್ಕ ಹಂದಿಗಳು
ಜೀವಂತ ತೂಕ (ಕಿ.ಗ್ರಾಂ.)	110-250	140-250	110-250
DE (M cal/kg)	3.3	3.3	3.3
ME (M cal/kg)	3.17	3.17	3.17
ಕಚ್ಚಾ ಪ್ರೋಟೀನ್ (%)	14	15	14
ಕ್ಯಾಲ್ಸಿಯಂ	0.75	0.75	0.75
ರಂಜಕ	0.5	0.5	0.5
ಉಪ್ಪು	0.5	0.5	0.5

ಬೆಳೆಯುತ್ತಿರುವ ಹಂದಿಗಳಿಗೆ ಅಗತ್ಯವಿರುವ ಪೋಷಕಾಂಶಗಳು

ಪ್ರಕಾರಗಳು	ಹಾಲು ಬಿಡಿಸಿದ ಮರಿಗಳು	ಬೆಳೆಯುತ್ತಿರುವ ಹಂದಿಗಳು	ಮಾಂಸಕ್ಕಾಗಿ ಮಾರುವ ಹಂದಿಗಳು
ಜೀವಂತ ತೂಕ (ಕಿ.ಗ್ರಾಂ.)	5-12	12-50	50-100
ದೈನಂದಿನ ಗಳಿಕೆ (ಕಿ.ಗ್ರಾಂ.)	0.3	0.5	0.6
DE ( M cal/kg)	3.5	3.5	3.3
ME (M cal/kg)	3.36	3.36	3.17
ಕಚ್ಚಾ ಪ್ರೋಟೀನ್ (%)	22	18	14
ಕ್ಯಾಲ್ಸಿಯಂ	0.8	0.65	0.5
ರಂಜಕ	0.6	0.5	0.4
ಸೋಡಿಯಂ	--	0.1	--
ಕ್ಲೋರಿನ್	--	0.13	--

ಹಂದಿಗಳಿಗೆ ನೀಡಬಹುದಾದ ವಿವಿಧ ಆಹಾರಗಳು

• ಸ್ವಿಲ್‌ನ ಸಂಯೋಜನೆ ಮತ್ತು ಪ್ರಮಾಣ (ಮಾನವ ಆಹಾರ, ತರಕಾರಿಗಳು, ಮಾಂಸ ಮತ್ತು ಮೀನು ಒಳಗೊಂಡಂತೆ ಅಡುಗೆ ತ್ಯಾಜ್ಯ) ಹೆಚ್ಚು ವ್ಯತ್ಯಾಸಗೊಳ್ಳುವುದರಿಂದಾಗಿ ಆಹಾರದ ಮೌಲ್ಯಗಳನ್ನು ಸೂಚಿಸುವುದು ಕಷ್ಟ.
• 30 ಕಿ.ಗ್ರಾಂ. ತೂಕದ ಹಂದಿಗಳಿಗೆ ಅಡುಗೆ ತ್ಯಾಜ್ಯವನ್ನು ಮಾತ್ರ ನೀಡಿದಾಗ 70 ದಿನಗಳಲ್ಲಿ 70 ಕಿ.ಗ್ರಾಂ. ದೇಹದ ತೂಕವನ್ನು ತಲುಪುತ್ತವೆ ಎಂದು ಗಮನಿಸಲಾಗಿದೆ.
• ದಿನಕ್ಕೆ ಸರಾಸರಿ 4 - 8 ಕಿ.ಗ್ರಾಂ. ಸ್ವಿಲ್ ಆಹಾರದ ಅಗತ್ಯವಿದ್ದು, ಅದು ಕೊಳೆಯುತ್ತಿಲ್ಲ ಎಂದು ಖಚಿತಪಡಿಸಿಕೊಳ್ಳಬೇಕು.

ಹಂದಿಗಳಿಗೆ ಆಹಾರ ನೀಡಲು ಬಳಸುವ ಇತರ ಆಹಾರಗಳು

ವಸ್ತು/ಪದಾಥ೯	ಸಂಯೋಜನೆಯ ಮಟ್ಟ (% ವರೆಗೆ)
ಟ್ಯಾಪಿಯೋಕಾ ಪಿಷ್ಟ ತ್ಯಾಜ್ಯ	15-20
ರಬ್ಬರ್ ಬೀಜದ ಕೇಕ್	15
ಹುರಿದ ಹುಣಸೆ ಬೀಜ	20
ಚಹಾ ತ್ಯಾಜ್ಯ	20
ಮಾಂಸದ ತ್ಯಾಜ್ಯ	20

ಗಂಡು ಹಂದಿಗಳ ಆಹಾರ ಪದ್ಧತಿ

• ಸಂತಾನೋತ್ಪತ್ತಿ ಮಾಡುವ ಹಂದಿಗೆ ವಯಸ್ಸು, ಸ್ಥಿತಿ ಮತ್ತು ಸಂತಾನೋತ್ಪತ್ತಿ ಬೇಡಿಕೆಯನ್ನು ಅವಲಂಬಿಸಿ 100 ಕಿ.ಗ್ರಾಂ. ತೂಕಕ್ಕೆ 2-2.5 ಕಿ.ಗ್ರಾಂ. ಸಾಂದ್ರೀಕೃತ (ಕಾನ್ಸನಟ್ರೆಟ) ಆಹಾರದ ಅಗತ್ಯವಿದೆ.
• ಹಂದಿ ಅತಿಯಾಗಿ ದಪ್ಪವಾಗದಂತೆಯೂ ಹಾಗೂ ಅತಿಯಾಗಿ ತೆಳ್ಳವಾಗದಂತೆಯೂ ಆಹಾರ ಭತ್ಯೆಯನ್ನು ಸರಿಹೊಂದಿಸಬೇಕು.
• ಮನೆಯೊಳಗೆ ಇರಿಸಿದರೆ ಹಸಿರು ಸೊಪ್ಪನ್ನು ಒದಗಿಸಬೇಕು.
• ಅಗತ್ಯವಿರುವ ವ್ಯಾಯಾಮ ಮತ್ತು ಅಮೂಲ್ಯವಾದ ಪೋಷಕಾಂಶಗಳನ್ನು ಒದಗಿಸುವ ದೃಷ್ಟಿಯಿಂದ ವರ್ಷಪೂರ್ತಿ ಹುಲ್ಲುಗಾವಲು ಒದಗಿಸಿದರೆ ಅದು ಅತ್ಯುತ್ತಮವಾಗಿರುತ್ತದೆ.

ಹೆಣ್ಣು ಹಂದಿಗಳ ಆಹಾರ ಪದ್ಧತಿ

• ಗರ್ಭಧಾರಣೆಯಿಂದ ಉಂಟಾಗುವ ಬೇಡಿಕೆಗಳು ಮತ್ತು ನಂತರದಲ್ಲಿ ಹಾಲುಣಿಸುವಿಕೆಗಾಗಿ ಪೋಷಕಾಂಶಗಳನ್ನು ಸಂರಕ್ಷಿಸುವ ಅಗತ್ಯವು ಗರ್ಭಧಾರಣೆಯ ಕೊನೆಯ ಹಂತದಲ್ಲಿ ವೇಗಗೊಳ್ಳುತ್ತದೆ. ಪ್ರೋಟೀನ್‌ಗಳು, ಜೀವಸತ್ವಗಳು ಮತ್ತು ಖನಿಜಗಳ ಅಗತ್ಯಗಳು ಹೆಚ್ಚಾಗುತ್ತವೆ.
• ಗರ್ಭಾವಸ್ಥೆಯಲ್ಲಿ ಪ್ರೌಢ ಹಂದಿಗಳಲ್ಲಿ 30-35 ಕಿ.ಗ್ರಾಂ. ಮತ್ತು ಗಿಲ್ಟ್‌ಗಳಲ್ಲಿ 40-45 ಕಿ.ಗ್ರಾಂ. ನಷ್ಟು ತೂಕ ಹೆಚ್ಚಾಗುತ್ತದೆ. ಹಂದಿಗಳು ಮತ್ತು ಗಿಲ್ಟ್‌ಗಳು ಎಂದಿಗೂ ಅತಿಯಾಗಿ ದಪ್ಪವಾಗದಂತೆಯೂ ಹಾಗೂ ಅತಿಯಾಗಿ ತೆಳ್ಳವಾಗದಂತೆಯೂ ಆಹಾರ ಭತ್ಯೆಯನ್ನು ಸರಿಹೊಂದಿಸಬೇಕು. ಪ್ರತಿ ಹಂದಿಗೆ ವೈಯಕ್ತಿಕ ಆಹಾರಕ್ಕೆ ಆದ್ಯತೆ ನೀಡಬೇಕು.
• ಫ್ಲಶಿಂಗ್ ಎನ್ನುವುದು ಸಂಯೋಗಕ್ಕೆ 1-2 ವಾರಗಳ ಮೊದಲು ಹಂದಿಗಳು ಮತ್ತು ಗಿಲ್ಟ್‌ಗಳಿಗೆ ಹೆಚ್ಚುವರಿ ಆಹಾರವನ್ನು ನೀಡುವ ಅಭ್ಯಾಸವಾಗಿದೆ. ಸಂಯೋಗದ ನಂತರ ಸಾಮಾನ್ಯ ಆಹಾರಕ್ಕೆ ಮರಳಬೇಕು.

ಮರಿ ಹಾಕುವ ಹಂದಿ ಮತ್ತು ಹಂದಿಮರಿಗಳ ಆಹಾರ ಪದ್ಧತಿ

• ಮರಿ ಹಾಕುವ ಮೊದಲು ಮತ್ತು ನಂತರ ಬೃಹತ್ ವಿರೇಚಕ (Laxative) ಆಹಾರವನ್ನು ನೀಡಿ.
• ಕೊನೆಯ 10 ದಿನಗಳಲ್ಲಿ ಹಂದಿಗೆ ಪೂರ್ಣ ಆಹಾರ ನೀಡಿ ಹಾಗೂ ಸಾಕಷ್ಟು ಸೊಪ್ಪುಗಳನ್ನು ಒದಗಿಸಿ.
• ಪ್ರತಿ ಹಂದಿಗೆ 2.5-3 ಕಿ.ಗ್ರಾಂ. ಫೀಡ್ ಪ್ರತಿ 100 ಕಿ.ಗ್ರಾಂ. ದೇಹದ ತೂಕಕ್ಕೆ ಹಾಗೂ ಮರಿ ಹಾಕುವ ಹಂದಿಗೆ 0.2 ಕಿ.ಗ್ರಾಂ. ಫೀಡ್ ಪ್ರತಿ ಮರಿ ದರದಲ್ಲಿ ನೀಡಬಹುದು.
• 8 ಹಂದಿ ಮರಿಗಳೊಂದಿಗೆ 100 ಕಿ.ಗ್ರಾಂ. ಇರುವ ತೂಕದ ಹಂದಿಗೆ ದಿನಕ್ಕೆ 4.6 ಕಿ.ಗ್ರಾಂ. ಆಹಾರ ಬೇಕಾಗುತ್ತದೆ. ಹಂದಿ ಮರಿಗಳಿಗೆ ಕ್ರೀಪ್ ಫೀಡ್ ಎಂಬ ವಿಶೇಷ ಪೌಷ್ಟಿಕ ಆಹಾರವನ್ನು ಪ್ರತ್ಯೇಕವಾಗಿ ನೀಡಬಹುದು.

ಕ್ರೀಪ್ ಫೀಡಿಂಗ್/ ಹಂದಿ ಮರಿಗಳ ಆಹಾರ ಪದ್ಧತಿ

ತಾಯಿಯಿಂದ ದೂರವಿರುವ ಹಂದಿಮರಿಗಳಿಗೆ ಸಾಂದ್ರೀಕೃತ ಆಹಾರವನ್ನು ಸ್ವಯಂ-ಆಹಾರವಾಗಿ ಪ್ರತ್ಯೇಕ ಆವರಣದಲ್ಲಿ ನೀಡುವ ಅಭ್ಯಾಸವನ್ನು ಕ್ರೀಪ್ ಫೀಡಿಂಗ್ ಎಂದು ಕರೆಯಲಾಗುತ್ತದೆ. ಹಂದಿ ಮರಿಗಳು ಎರಡು ವಾರಗಳಷ್ಟು ವಯಸ್ಸಾದಾಗ ಕ್ರೀಪ್ ಫೀಡ್ ನೀಡಬೇಕು. ಪ್ರತಿ ಸಕ್ರಿಯ ಮತ್ತು ಆರೋಗ್ಯಕರ ಹಂದಿಮರಿ 8 ವಾರಗಳ ವಯಸ್ಸನ್ನು ತಲುಪುವ ಮೊದಲು ಸುಮಾರು 10 ಕಿ.ಗ್ರಾಂ. ಆಹಾರವನ್ನು ಸೇವಿಸಬಹುದು ಮತ್ತು ಇದರಲ್ಲಿ ಮೂರನೇ ಎರಡರಷ್ಟು ಭಾಗವನ್ನು 6-8 ವಾರಗಳ ನಡುವೆ ಸೇವಿಸಬಹುದು.

ಬೆಳೆಯುತ್ತಿರುವ ಮತ್ತು ಮಾರಾಟ ಮಾಡಬೇಕಾದ ಹಂದಿಗಳ ಆಹಾರ ಪದ್ಧತಿ

ಗರಿಷ್ಠ ಬೆಳವಣಿಗೆಯನ್ನು ಪಡೆಯಲು ಹಂದಿಗಳಿಗೆ ಸಂಪೂರ್ಣ ಆಹಾರವನ್ನು ನೀಡಬೇಕಾಗುತ್ತದೆ. ಪರ್ಯಾಯವಾಗಿ, ಅವುಗಳಿಗೆ ದಿನಕ್ಕೆ ಎರಡು ಅಥವಾ ಮೂರು ಬಾರಿ ನಿಗದಿತ ಪ್ರಮಾಣದಲ್ಲಿ ಆಹಾರವನ್ನು ನೀಡಬಹುದು. ಅಥವಾ, 30-45 ನಿಮಿಷಗಳ ಅಥವಾ ಅದಕ್ಕಿಂತ ಹೆಚ್ಚಿನ ನಿಗದಿತ ಸಮಯದೊಳಗೆ ಅವು ಸೇವಿಸುವ ಎಲ್ಲಾ ಪ್ರಮಾಣವನ್ನು ನೀಡಬಹುದು.

• ಹಾಲು ಬಿಡಿಸಿದ ನಂತರ ಮಾರುಕಟ್ಟೆ ತೂಕದವರೆಗೆ ಆಹಾರ ಪರಿವರ್ತನೆಯ ದಕ್ಷತೆಯು ಸುಮಾರು 4 ಆಗಿರಬಹುದು. ಅಂದರೇ, ಹಂದಿಯು ಒಂದು ಕಿ.ಗ್ರಾಂ. ತೂಕವನ್ನು ಹೆಚ್ಚಿಸಲು 4 ಕಿ.ಗ್ರಾಂ. ಪ್ರಮಾಣದ ಆಹಾರವನ್ನು ಬಳಸುತ್ತದೆ ಎಂದಥ೯.
• ವಯಸ್ಸು ಮತ್ತು ಸುತ್ತುವರಿದ ತಾಪಮಾನದೊಂದಿಗೆ ಆಹಾರ ಪರಿವರ್ತನೆಯ ದಕ್ಷತೆಯು ಗಣನೀಯವಾಗಿ ಬದಲಾಗುತ್ತದೆ. ಆರಂಭಿಕ ಜೀವನದಲ್ಲಿ ಪ್ರೋಟೀನ್ ಅವಶ್ಯಕತೆಗಳು ಹೆಚ್ಚಿರುತ್ತವೆ. ಆದರೇ, ಹಂದಿಯಲ್ಲಿ ಕೊಬ್ಬು ಹೆಚ್ಚಾದಂತೆ, ಆಹಾರದಲ್ಲಿ ಶೇಕಡಾವಾರು ಪ್ರೋಟೀನ್ ಕಡಿಮೆ ಮಾಡಬಹುದು.
• ಈ ಅವಧಿಯನ್ನು ಹಾಲುಣಿಸುವುದು ಬಿಡಿಸಿದ ನಂತರದಿಂದ (9-10 ಕಿ.ಗ್ರಾಂ.) ಮಾರಾಟದ ತೂಕದವರೆಗೆ (90-100 ಕಿ.ಗ್ರಾಂ.) ಪರಿಗಣಿಸಬಹುದು. ಸಂಪೂರ್ಣ ಗಂಡು, ಕ್ಯಾಸ್ಟ್ರೇಟ್ (ವೃಷಣಗಳನ್ನು ತೆಗೆದ) ಮತ್ತು ಹೆಣ್ಣುಗಳನ್ನು ಮಾಂಸದ ಉದ್ದೇಶಕ್ಕಾಗಿ ಕೊಬ್ಬಿಸಬಹುದು. ಸಂಪೂರ್ಣ ಗಂಡು ಮತ್ತು ಹೆಣ್ಣುಗಳು ಕ್ಯಾಸ್ಟ್ರೇಟ್‌ಗಳಿಗಿಂತ ಹೆಚ್ಚಿನ ಆಹಾರ ಪರಿವರ್ತನೆ ದಕ್ಷತೆಯನ್ನು ಹೊಂದಿರುತ್ತವೆ.

ಅನಾಥ ಹಂದಿಗಳು

• ತಾಯಿ ಹಂದಿ ಸತ್ತಾಗ ಅಥವಾ ಹಾಲು ಕೊಡಲು ವಿಫಲವಾದಾಗ ಅಥವಾ ತನ್ನ ಮರಿಗಳನ್ನು ತನ್ನದಾಗಿಸಿಕೊಳ್ಳದಿದ್ದರೆ, ಹಂದಿಮರಿಗಳನ್ನು ತಕ್ಷಣವೇ ದತ್ತು ತಾಯಿಯ ಬಳಿಗೆ ಸ್ಥಳಾಂತರಿಸಬೇಕು. ಕೆಲವು ಹಂದಿಗಳು ಬೇರೆ ಹಂದಿಯ ಮರಿಗಳಿಗೆ ಹಾಲುಣಿಸಲು ನಿರಾಕರಿಸಬಹುದು.
• ಸಾಕು ತಾಯಿ ಅಥವಾ ಇನ್ನೊಂದು ಹಂದಿಯ ಬಳಿ ಹಂದಿ ಮರಿಗಳನ್ನು ಸೇರಿಸಿದಾಗ ಅವುಗಳ ವಾಸನೆ ಮತ್ತು ದೇಹದ ಗಾತ್ರ ಸೇರಿದಂತೆ ಎಲ್ಲಾ ಪರಿಸ್ಥಿತಿಗಳನ್ನು ಅನುಕರಿಸಲು ಕಾಳಜಿ ವಹಿಸಬೇಕು.
• ಸಾಕು ತಾಯಿ ಲಭ್ಯವಿಲ್ಲದಿದ್ದರೆ, ಕೈಯಿಂದ ಹಾಲುಣಿಸುವುದು ಅಗತ್ಯವಾಗಿರುತ್ತದೆ. ಹಂದಿ ಹಾಲಿಗೆ ಹಸುವಿನ ಹಾಲು ಅತ್ಯುತ್ತಮ ಪರ್ಯಾಯವಾಗಿದೆ. ಮಜ್ಜಿಗೆ ಅಥವಾ ಕೆನೆರಹಿತ ಹಾಲನ್ನು ಸಹ ಬಳಸಬಹುದು.
• ಪ್ರತಿ ಹಂದಿ ಮರಿ ದಿನಕ್ಕೆ 300-500 ಮಿ.ಲಿ. ಹಾಲನ್ನು ಸೇವಿಸುತ್ತದೆ.
• ಮೊದಲ ಕೆಲವು ವಾರಗಳವರೆಗೆ ದಿನಕ್ಕೆ 5-6 ಬಾರಿ ಆಹಾರ ನೀಡುವ ಮೂಲಕ ಉತ್ತಮ ಫಲಿತಾಂಶಗಳನ್ನು ಪಡೆಯಬಹುದು ಮತ್ತು ನಂತರ ಆಹಾರವನ್ನು ಕ್ರಮೇಣ ದಿನಕ್ಕೆ 2-3 ಬಾರಿ ಕಡಿಮೆ ಮಾಡಬಹುದು.
• ಹಂದಿ ಮರಿಗಳು ಆಹಾರ ತೆಗೆದುಕೊಳ್ಳಲು ಪ್ರಾರಂಭಿಸುವವರೆಗೆ ಶಿಶುಗಳಿಗೆ ಬಳಸುವ ವಿಟಮಿನ್ನ ಎರಡು ಅಥವಾ ಮೂರು ಪಟ್ಟು ಜಾಸ್ತಿ ಪ್ರಮಾಣದಲ್ಲಿ ಕೊಡಬಹುದು.
• ಎಂದಿನಂತೆ ಕಬ್ಬಿಣದ ಚುಚ್ಚುಮದ್ದಿನ ತಯಾರಿಕೆಯನ್ನು ನೀಡಬಹುದು.
• ಹಂದಿ ಮರಿಗಳಿಗೆ ಜೀವನದ ಆರಂಭಿಕ ದಿನಗಳಲ್ಲಿ 60-ವ್ಯಾಟ್ ವಿದ್ಯುತ್ ಬಲ್ಬ್ ಸಾಕಷ್ಟು ಉಷ್ಣತೆಯನ್ನು ಒದಗಿಸುತ್ತದೆ.

ಉತ್ತಮ ಆಹಾರ ಮತ್ತು ನಿರ್ವಹಣೆಯಿಂದ ವಯಸ್ಸಿಗೆ ನಿರೀಕ್ಷಿತ ಜೀವಂತ ತೂಕ

ವಯಸ್ಸು(ವಾರಗಳು)	ಜೀವಂತ ತೂಕ(ಕಿ.ಗ್ರಾಂ.)
4	4
8	10
12	20
20	50
28	85

ಹಂದಿಗಳ ನೀರಿನ ಅವಶ್ಯಕತೆಗಳು

ವಿವಿಧ ವರ್ಗದ ಹಂದಿಗಳಿಗೆ ಹಂದಿ ಸಾಕಾಣಿಕೆ ಕೇಂದ್ರದಲ್ಲಿ ದಿನಕ್ಕೆ ಬೇಕಾಗುವ ನೀರಿನ ಅವಶ್ಯಕತೆಯನ್ನು ಕೆಳಗೆ ನೀಡಲಾಗಿದೆ. ಎಲ್ಲಾ ಸಮಯದಲ್ಲೂ ಕುಡಿಯಲು ಸಾಕಷ್ಟು ಶುದ್ಧ ನೀರು ಲಭ್ಯವಿರಬೇಕು. ಹಂದಿ ಸಾಕಣೆ ಕೇಂದ್ರದಲ್ಲಿ ಕುಡಿಯುವ ನೀರಿಗಾಗಿ ತೆರೆದ ನೀರಿನ ತೊಟ್ಟಿ, ಬಟ್ಟಲುಗಳಂತಹ ನೀರಿನ ವ್ಯವಸ್ಥೆಯನ್ನು ಬಳಸಲಾಗುತ್ತದೆ. ನೀರನ್ನು ಪೂರೈಸಲು ಆಹಾರ ತೊಟ್ಟಿಯನ್ನು ಸಹ ಬಳಸಬಹುದು. ಸಾಮಾನ್ಯವಾಗಿ, ದೊಡ್ಡ ಹಂದಿ ಸಾಕಣೆ ಕೇಂದ್ರಗಳಲ್ಲಿ ಸ್ವಯಂಚಾಲಿತ ಕುಡಿಯುವ ಸಾಮಗ್ರಿಗಳನ್ನು ಬಳಸಲಾಗುತ್ತದೆ (ಬಟ್ಟಲುಗಳು ಅಥವಾ ತೊಟ್ಟೆಗಳು).

ವಯಸ್ಸು (ವಾರಗಳು)	ಸರಾಸರಿ ನೀರಿನ ಅವಶ್ಯಕತೆಗಳು (ಲೀಟರ್‌ಗಳು)
8	3
20	7
28	8
ಗರ್ಭಿಣಿ ಹಂದಿ ಮೊದಲ 3 ತಿಂಗಳುಗಳು	12
ಗರ್ಭಿಣಿ ಹಂದಿ ಕೊನೆಯ 3 ತಿಂಗಳುಗಳು	15
5-8 ಹಂದಿಮರಿಗಳಿಗೆ ಹಾಲುಣಿಸುವ ಹಂದಿ	25
10-12 ಹಂದಿಮರಿಗಳಿಗೆ ಹಾಲುಣಿಸುವ ಹಂದಿ	30
ಗಂಡು ಹಂದಿ	20