ಹೆಣ್ಣು ಹಂದಿಗಳ ಆರೈಕೆ ಮತ್ತು ನಿರ್ವಹಣೆ

• ಹೆಣ್ಣು ಹಂದಿಗಳನ್ನು ಸಂತಾನೋತ್ಪತ್ತಿಗಾಗಿ ಹಿಂಡಿನಲ್ಲಿ ಉಳಿಸಿಕೊಳ್ಳುವುದರಿಂದ ಅವುಗಳ ಆರೈಕೆ ಮತ್ತು ನಿರ್ವಹಣೆ ಬಹಳ ಅವಶ್ಯಕ.
• ಉತ್ತಮ ನಿರ್ವಹಣೆ ಮತ್ತು ಆಹಾರ ನೀಡುವುದರಿಂದ ಸಂತಾನೋತ್ಪತ್ತಿಯ ತೊಂದರೆಗಳನ್ನು ಕಡಿಮೆ ಮಾಡಬಹುದು. ಹೆಣ್ಣು ಹಂದಿಗಳನ್ನು ಕಾಳಜಿಯಿಂದ ನೋಡಿಕೊಳ್ಳುವುದರಿಂದ ಮರಿಗಳು ಸಲೀಸಾಗಿ ಹೆರಿಗೆಯಾಗುತ್ತವೆ ಮತ್ತು ಹಂದಿಗಳು ಅವುಗಳನ್ನು ಸರಿಯಾಗಿ ಪೋಷಿಸುತ್ತವೆ.

ಸಂತಾನೋತ್ಪತ್ತಿ ನಿರ್ವಹಣೆ

• ಹಂದಿಗಳು ಸುಮಾರು 21 ದಿನಗಳಿಗೊಮ್ಮೆ ಶಾಖಕ್ಕೆ ಬರುತ್ತವೆ. ಉತ್ತಮ ಆಹಾರ ಮತ್ತು ನಿರ್ವಹಣೆ ಬೆದೆಯನ್ನು (ಇಸ್ಟ್ರಸ್) ಪ್ರೇರೇಪಿಸುವುದಲ್ಲದೇ, ಸಂತಾನೋತ್ಪತ್ತಿಯನ್ನು ಸುಲಭಗೊಳಿಸುತ್ತದೆ ಮತ್ತು ಹೆಚ್ಚು ಮರಿಗಳನ್ನು ನೀಡುತ್ತದೆ.
• ಧಾನ್ಯಗಳು ಮತ್ತು ಮೀನಿನ ಆಹಾರದ ಜೊತೆಗೆ, ಕೆನೆರಹಿತ ಹಾಲು ಅಥವಾ ಮಜ್ಜಿಗೆಯನ್ನು ಸಂತಾನೋತ್ಪತ್ತಿ ಕ್ರಿಯೆಯ 2-3 ವಾರಗಳ ಮೊದಲು ನೀಡಬಹುದು, ಇದು ದಿನಕ್ಕೆ 200-300 ಗ್ರಾಂ. ದೇಹದ ತೂಕವನ್ನು ಹೆಚ್ಚಿಸುತ್ತದೆ.
• ಹಂದಿಯ ಸರಾಸರಿ ಗರ್ಭಾವಸ್ಥೆಯ ಅವಧಿ ಸುಮಾರು 112-115 ದಿನಗಳು; ಸಾಮಾನ್ಯವಾಗಿ ಒಂದು ಸಲಕ್ಕೆ ಜನಿಸುವ ಮರಿಗಳ ಸಂಖ್ಯೆ 8-10 ಹಂದಿಮರಿಗಳು. ವಯಸ್ಕ ಹಂದಿಗಳು ಹೆಚ್ಚಿನ ಜನನ ತೂಕ ಹೊಂದಿರುವ ಹೆಚ್ಚಿನ ಮರಿಗಳನ್ನುಜನ್ಮ ನೀಡುತ್ತವೆ.

ಹೆರಿಗೆಯಲ್ಲಿರುವ ಹಂದಿ ಮತ್ತು ಹಂದಿ ಮರಿಗಳ ಆರೈಕೆ ಮತ್ತು ನಿರ್ವಹಣೆ

• 2% ಫಿನೈಲ್ ದ್ರಾವಣದಿಂದ ಹೆರಿಗೆ ಮನೆಯನ್ನು ಸ್ವಚ್ಛಗೊಳಿಸಿ ಹಾಗೂ ಸೋಂಕುರಹಿತಗೊಳಿಸಿ ಮತ್ತು ಒಂದು ವಾರ ಖಾಲಿ ಇರಿಸಿ.
• ಗರ್ಭಿಣಿ ಹಂದಿಯನ್ನು ಹೆರಿಗೆ ಮಾಡುವ 2-3 ವಾರಗಳ ಮೊದಲು ಮತ್ತು ಹೆರಿಗೆ ಮನೆಗೆ ಸೇರಿಸುವ ಮೊದಲು ಜಂತುನಾಶಕವನ್ನು ಕೊಡಬೇಕು ಹಾಗೂ ಬಾಹ್ಯ ಪರಾವಲಂಬಿನಾಶಕವನ್ನು (1% ಮ್ಯಾಲಥಿಯಾನ್/ಸಿಥಿಯಾನ್, ಬ್ಯುಟಾಕ್ಸ್ ದ್ರಾವಣ 0.05%) ಸಿಂಪಡಿಸಬೇಕು.
• ಹೆರಿಗೆ ಮನೆಗೆ ಸ್ಥಳಾಂತರಿಸುವ ಮೊದಲು ದೇಹದ ಮೇಲಿರುವ ಕೊಳಕು, ಪರಾವಲಂಬಿಗಳ ಮೊಟ್ಟೆಗಳು, ಸೂಕ್ಷ್ಮಜೀವಿಗಳು ಇತ್ಯಾದಿಗಳನ್ನು ಸೋಪ್ ಮತ್ತು ನೀರಿನಿಂದ ಉಜ್ಜಿ ಸ್ವಚ್ಛಗೊಳಿಸಬೇಕು.
• ಸ್ವಚ್ಛಗೊಳಿಸಿದ ಹಂದಿಯನ್ನು ಹೆರಿಗೆಗೆ 10 ದಿನಗಳ ಮೊದಲು ಶುದ್ಧ ಹೆರಿಗೆ ಮನೆಗೆ ಸ್ಥಳಾಂತರಿಸಬೇಕು.
• ಹೆರಿಗೆಯ 2-3 ದಿನಗಳ ಮೊದಲು ಹೆರಿಗೆ ಮನೆಯಲ್ಲಿ ಕತ್ತರಿಸಿದ ಒಣಹುಲ್ಲಿನ ಹಗುರವಾದ ಹಾಸಿಗೆಯನ್ನು ಒದಗಿಸಿ.
• ಮೊಲೆತೊಟ್ಟುಗಳನ್ನು ಒತ್ತಿದಾಗ ಹಾಲು ಬರುವುದು. ಇದು ಹೆರಿಗೆಯ ಸಮಯ ಸಮೀಪಿಸುತ್ತಿದೆ ಎಂಬುದನ್ನು ಸೂಚಿಸುತ್ತದೆ.
• ಹೆರಿಗೆಯು 24 ಗಂಟೆಗಳವರೆಗೆ ಇರುತ್ತದೆ, ಹಾಗಾಗಿ ಅದರ ಉದ್ದಕ್ಕೂ ಹಾಜರಿರಬೇಕು.
• ಹಂದಿಮರಿಗಳನ್ನು ಟವೆಲ್ / ಒಣಹುಲ್ಲಿನಿಂದ ಸ್ವಚ್ಛಗೊಳಿಸಿ. ಅಯೋಡಿನ್ ಟಿಂಚರ್‌ನಿಂದ ನಾಭಿ ಬಳ್ಳಿಯನ್ನು ಸೋಂಕುರಹಿತಗೊಳಿಸಿ. ಸಾಮಾನ್ಯ ಆರೋಗ್ಯಕರ ಹಂದಿಗಳು 10-30 ನಿಮಿಷಗಳಲ್ಲಿ ಹೆರಿಗೆಯನ್ನು ಮಾಡುತ್ತವೆ. ಸಣ್ಣ ಹಂದಿಮರಿಗಳಿಗೆ ಹಾಲುಣಿಸಲು ಸಹಾಯ ಮಾಡಿ.
• ಜರಾಯು(ಮಾಸು ಚೀಲ), ಸತ್ತ ಹಂದಿಮರಿಗಳು, ಹೊಲಸಾದ ಹಾಸಿಗೆ ಇತ್ಯಾದಿಗಳನ್ನು ಆದಷ್ಟು ಬೇಗನೇ ಸರಿಯಾದ ಸ್ಥಳದಲ್ಲಿ ಹೂಳಬೇಕು. ಜರಾಯು(ಮಾಸು ಚೀಲ) ಸಾಮಾನ್ಯವಾಗಿ ಸ್ವಲ್ಪ ಸಮಯದೊಳಗೆ ಹಂದಿಯಿಂದ ಹೊರಹಾಕಲ್ಪಡುತ್ತದೆ.
• ಹಂದಿಮರಿಗಳಲ್ಲಿ ರಕ್ತಹೀನತೆಯನ್ನು ತಡೆಗಟ್ಟಲು ಎರಡನೇ ದಿನ ಸ್ನಾಯುವಿನೊಳಗೆ 50 ಮಿ.ಗ್ರಾಂ. ಕಬ್ಬಿಣಾಂಶವನ್ನು (ಇಂಪೆರಾನ್ 1 ಮಿಲಿ) ನೀಡಿ. ವಾರಕ್ಕೊಮ್ಮೆ ಒಂದು ಹಂದಿಮರಿಗೆ 1 ಮಿ.ಲಿ. ಕಬ್ಬಿಣದ ದ್ರಾವಣ ಮೌಖಿಕವಾಗಿ (25 ಮಿ.ಲಿ. ನೀರಿನಲ್ಲಿ 1 ಗ್ರಾಂ. ಫೆರಸ್ ಸಲ್ಫೇಟ್) ಕೊಡಬಹುದು. 5 ವಾರಗಳ ವಯಸ್ಸಿನಲ್ಲಿ ಎರಡನೇ ಇಂಪೆರಾನ್ 1 ಮಿ.ಲಿ. ಚುಚ್ಚುಮದ್ದನ್ನು ನೀಡಬಹುದು.
• ಹೆರಿಗೆಯ ಮನೆಯನ್ನು ಬೆಚ್ಚಗೆ, ಒಣಗಿಸಿ ಮತ್ತು ಸ್ವಚ್ಛವಾಗಿಡಿ.
• ಸೂಜಿ ಹಲ್ಲುಗಳನ್ನು ಎಚ್ಚರಿಕೆಯಿಂದ ತೆಗೆಯಬೇಕು.
• ಎಲ್ಲಾ ಮರಿಗಳನ್ನು ಹೊರಹಾಕಲು ತೆಗೆದುಕೊಳ್ಳುವ ಸಮಯ 1 ಗಂಟೆಯಿಂದ 5 ಗಂಟೆಗಳವರೆಗೆ ಆಗಬಹುದು. ಮೊದಲ ಮತ್ತು ನಂತರದ ಹಂದಿಮರಿಗಳ ಜನನದ ನಡುವಿನ ಮಧ್ಯಂತರವು ಕೆಲವು ನಿಮಿಷಗಳಿಂದ 3 ಗಂಟೆಗಳವರೆಗೆ ಆಗಬಹುದು. ಸುಮಾರು 30 ಪ್ರತಿಶತ ಹಂದಿಮರಿಗಳು ಸಾಮಾನ್ಯವಾಗಿ ಹಿಂಭಾಗದ ಪ್ರಸ್ತುತಿಯಲ್ಲಿ ಜನಿಸುತ್ತವೆ. ಸಾಮಾನ್ಯವಾಗಿ ಎಲ್ಲಾ ಹಂದಿಮರಿಗಳು ಜನಿಸಿದ ನಂತರವೇ ಜರಾಯು (ಮಾಸು ಚೀಲ) ಹೊರಬರುತ್ತದೆ. ಮರಿಗಳನ್ನು ಹೊರಹಾಕಿದ 3 ಗಂಟೆಗಳ ಒಳಗೆ ಜರಾಯು ಹೊರಬರುತ್ತದೆ.

ಹೆರಿಗೆಯ ಸಮಯದಲ್ಲಿ ಆರೈಕೆ

• ಗರ್ಭಿಣಿ ಹಂದಿಯನ್ನು ಹೆರಿಗೆಯ 3-4 ದಿನಗಳ ಮೊದಲು ಹೆರಿಗೆ ಮನೆಗೆ ಸ್ಥಳಾಂತರಿಸಬೇಕು. ಇದರಿಂದಾಗಿ ಹೊಸ ಸ್ಥಳಕ್ಕೆ ಹೊಂದಿಕೊಳ್ಳಲು ಅನುಕೂಲವಾಗುತ್ತದೆ. ಹೆರಿಗೆ ಮನೆಯು ಸ್ವಚ್ಛ ಮತ್ತು ಒಣಗಿರಬೇಕು, ಒಳಗಡೆ ಚೆನ್ನಾಗಿ ಗಾಳಿ ಮತ್ತು ಬೆಳಕು ಬರಬೇಕು ಹಾಗೂ ನೆಲದ ಮೇಲೆ ಸರಿಯಾದ ಹಾಸಿಗೆಯನ್ನು ಒದಗಿಸಬೇಕು.
• ಹೆರಿಗೆ ಹಾಕುವ ಮೊದಲು, ಹಂದಿಯ ಆಹಾರವನ್ನು ಅರ್ಧಕ್ಕೆ ಇಳಿಸಬೇಕು ಮತ್ತು ಗೋಧಿ ಹೊಟ್ಟಿನಂತಹ ವಿರೇಚಕ ಅಂಶವನ್ನು ಆಹಾರದಲ್ಲಿ ಕೊಡಬೇಕು. ಹೆರಿಗೆಯ ಸಮಯದಲ್ಲಿ ಹಂದಿಯನ್ನು ತೊಂದರೆಗೊಳಿಸದೆ ಅದರ ಪಾಡಿಗೆ ಬಿಡಬೇಕು ಆದರೆ ತುರ್ತು ಸಂದರ್ಭಗಳಲ್ಲಿ ಸಹಾಯ ಮಾಡಬಹುದು. ಹೆದರಿಕೆಯಲ್ಲಿರುವ ಹಂದಿಯ ಹೆರಿಗೆಯಲ್ಲಿ ಹಂದಿಮರಿಗಳನ್ನು ತೆಗೆಯಲು ಸಹಾಯ ಮಾಡಿ ಹಾಲುಣಿಸಲು ಬಿಡಬೇಕು.
• ಹಂದಿಮರಿಗಳು ಜನಿಸಿದ ತಕ್ಷಣ, ಅವುಗಳನ್ನು ಬಟ್ಟೆಯಿಂದ ಒಣಗಿಸಿ ಬೆಚ್ಚಗಿನ ಆವರಣದ ಬ್ರೂಡರ್‌ನಲ್ಲಿ ಇಡಲಾಗುತ್ತದೆ.
• ಬ್ರೂಡರ್ ಹಂದಿಗಳಿಗೆ ಸಮತೋಲಿತ ಆಹಾರವನ್ನು ನೀಡಬೇಕು. ಗೋಧಿ ಹೊಟ್ಟು ಮುಂತಾದ ಸುಲಭವಾಗಿ ಜಿಣ೯ವಾಗುವ ಪಧಾಥ೯ಗಳೋಂದಿಗೆ ಸಣ್ಣ ಪ್ರಮಾಣದಲ್ಲಿ ಸಾಂದ್ರೀಕೃತ ಮಿಶ್ರಣವನ್ನು ಪ್ರಾರಂಭಿಸಬೇಕು.

ಹಾಲುಣಿಸುತ್ತಿರುವ ಹಂದಿಗಳ ಆರೈಕೆ ಮತ್ತು ನಿರ್ವಹಣೆ

• 8 ವಾರಗಳ ಹಾಲುಣಿಸುವ ಅವಧಿಯಲ್ಲಿ ಒಂದು ಹಂದಿ ಸುಮಾರು 150-200 ಕಿ.ಗ್ರಾಂ. ಹಾಲು ನೀಡುತ್ತದೆ. ಹಂದಿಯ ಹಾಲು ಹಸುವಿಗಿಂತ ಹೆಚ್ಚು ಸಾಂದ್ರೀಕೃತವಾಗಿರುತ್ತದೆ. ಆದ್ದರಿಂದ ಹಂದಿಗೆ ಹೆಚ್ಚಿನ ಆಹಾರದ ಅಗತ್ಯವಿರುತ್ತದೆ.
• ತಾಯಿ ಹಂದಿಗೆ 1.5 ಕಿ.ಗ್ರಾಂ. ಮತ್ತು ಪ್ರತಿ ಹಂದಿಮರಿಗೆ 0.5 ಕಿ.ಗ್ರಾಂ. ಆಹಾರವನ್ನು ಸೇರಿಸಿ ಒಟ್ಟು ಗರಿಷ್ಠ 5-6 ಕಿ.ಗ್ರಾಂ. ನಷ್ಟು ಆಹಾರವನ್ನು ನೀಡಬೇಕು.
• ಸಾಕಷ್ಟು ಲ್ಯೂಸರ್ನ್, ಹುಲ್ಲು ಮತ್ತು ರಸಭರಿತವಾದ ಮೇವನ್ನು ಒದಗಿಸಬೇಕು. ಹಾಲುಣಿಸಲು ನಿಲ್ಲಿಸುವ ಕೆಲವು ದಿನಗಳ ಮೊದಲು, ಹಾಲಿನ ಹರಿವನ್ನು ನಿರ್ಬಂಧಿಸಲು ಮತ್ತು ಕೆಚ್ಚಲನ್ನು ಒಣಗಿಸಲು ಆಹಾರದ ಪ್ರಮಾಣವನ್ನು ಕ್ರಮೇಣ ಕಡಿಮೆ ಮಾಡಲಾಗುತ್ತದೆ.

ಗಂಡು ಹಂದಿಯ ಆರೈಕೆ ಮತ್ತು ನಿರ್ವಹಣೆ

• ಗಂಡು ಹಂದಿಯನ್ನು ಪ್ರತ್ಯೇಕ ಮನೆಯಲ್ಲಿ ಇರಿಸಿರಬೇಕು. ಅವುಗಳಿಗೆ ಅತಿ ಹೆಚ್ಚು ಅಥವಾ ಅತಿ ಕಡಿಮೆ ಪ್ರಮಾಣದಲ್ಲಿ ಆಹಾರವನ್ನು ನೀಡಬಾರದು, ಏಕೆಂದರೆ ಇವೆರಡೂ ಅದರ ಸಂತಾನೋತ್ಪತ್ತಿ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುತ್ತವೆ. ಹಂದಿಯು ಮಾಂಸಭರಿತವಾಗಿ ಸಧೃಡವಾಗಿರಬೇಕು. ಆದರೆ ಹೆಚ್ಚು ಕೊಬ್ಬಿನಂಶವನ್ನು ಹೊಂದಿರಬಾರದು.
• ಆಹಾರದ ಅವಶ್ಯಕತೆಯು ದೇಹದ ನಿರ್ವಹಣೆ ಮತ್ತು ಸಂತಾನೋತ್ಪತ್ತಿಯ ಬೇಡಿಕೆಗಳನ್ನು ಒಳಗೊಂಡಿರುತ್ತವೆ. ಸಂತಾನೋತ್ಪತ್ತಿ ಮಾಡದ ಸಮಯದಲ್ಲಿ, ಹಂದಿಗೆ ಸಾಕಷ್ಟು ಹುಲ್ಲುಗಳು ಮತ್ತು ದ್ವಿದಳ ಧಾನ್ಯದ ಹುಲ್ಲು ಮತ್ತು 2 ಕಿ.ಗ್ರಾಂ. ಸಾಂದ್ರಿಕೃತ ಮಿಶ್ರಣವನ್ನು ನೀಡಬೇಕು. ಸಂತಾನೋತ್ಪತ್ತಿ ಅವಧಿಗೆ 2 ವಾರಗಳ ಮೊದಲು ಹೆಚ್ಚುವರಿಯಾಗಿ 0.5 ಕಿ.ಗ್ರಾಂ. ಸಾಂದ್ರಿಕೃತ ಮಿಶ್ರಣವನ್ನು ನೀಡಬಹುದು.
• 8 ತಿಂಗಳು ವಯಸ್ಸಿನ ಮೊದಲು ಹಂದಿಗಳನ್ನು ಸಂತಾನೋತ್ಪತ್ತಿಗೆ ಬಳಸಬಾರದು. ಒಂದು ಋತುವಿನಲ್ಲಿ 15-20 ಹೆಣ್ಣು ಹಂದಿಗಳಿಗೆ ಒಂದು ಎಳೆಯ ಹಂದಿಯನ್ನು ಬಳಸಬಹುದು ಮತ್ತು ವಯಸ್ಕ ಹಂದಿಯನ್ನು ಸುಮಾರು 25-45 ಹೆಣ್ಣು ಹಂದಿಗಳಿಗೆ ಬಳಸಬಹುದು.
• ಒಂದು ಹಂದಿಯನ್ನು ಆಹಾರ ನೀಡುವ ಮೊದಲೇ ಸಂತಾನೋತ್ಪತ್ತಿ ಕ್ರಿಯೆಗೆ ಒಳಪಡಿಸಬೇಕು. ದಿನಕ್ಕೆ ಒಂದಕ್ಕಿಂತ ಹೆಚ್ಚು ಬಾರಿ ಸಂತಾನೋತ್ಪತ್ತಿ ಕ್ರಿಯೆಗೆ ಒಳಪಡಿಸಬಾರದು. ವಯಸ್ಕ ಹೆಣ್ಣು ಹಂದಿಗಳನ್ನು ಸಂತಾನೋತ್ಪತ್ತಿಗಾಗಿ ಬಳಸಬಹುದಲ್ಲದೇ, ಅವುಗಳನ್ನು ಕಿರಿಯ ಗಂಡು ಹಂದಿಗಳ ಜೊತೆಯು ಸಂತಾನೋತ್ಪತ್ತಿಗೆ ಬಳಸಬಹುದು.
• ಹಂದಿಗಳಿಗೆ ಕುಡಿಯುವ ನೀರು ಯಾವಾಗಲು ಲಭ್ಯವಿರಬೇಕು ಮತ್ತು ಹಂದಿಗಳ ಕೊಟ್ಟಿಗೆಯನ್ನು ಸ್ವಚ್ಛವಾಗಿ ಮತ್ತು ಒಣಗಿಸಿ ಇಡಬೇಕು. ಮನೆಯೊಳಗೆ ತೇವಾಂಶವನ್ನು ತಪ್ಪಿಸಬೇಕು.
• ಹಂದಿಯನ್ನು ಪ್ರತಿದಿನ ತೊಳೆದು ಸ್ವಚ್ಛವಾಗಿಡಬೇಕು. ಹಂದಿಗಳ ಗೊರಸುಗಳನ್ನು ನಿಯತಕಾಲಿಕವಾಗಿ ಕತ್ತರಿಸುವುದರಿಂದ ಹಂದಿಗಳಲ್ಲಿ ಕುಂಟತನವನ್ನು ತಡೆಯಬಹುದು.
• ತಾಯಿ ಹಂದಿಗಳು ಮತ್ತು ಕೆಲಸಗಾರರಿಗೆ ಗಾಯವಾಗದಂತೆ ಹಂದಿಗಳ ಸೂಜಿ ದಂತಗಳನ್ನು ತೆಗೆದುಹಾಕಲು ಬೋಲ್ಟ್ ಕಟ್ಟರ್‌ವನ್ನು ಬಳಸಬಹುದು.
• ಹೊಸದಾಗಿ ಖರೀದಿಸಿದ ಹಂದಿಗಳನ್ನು 2-3 ವಾರಗಳವರೆಗೆ ಪ್ರತ್ಯೇಕವಾಗಿ ದೂರವೀಡಬೇಕು, ಇದರಿಂದ ಬೇರೆ ಹಂದಿಗಳಿಗೆ ಯಾವುದೇ ರೋಗ ಹರಡುವ ಅಪಾಯವಿರುವುದಿಲ್ಲ.

ಕ್ರಿಪ್ ಆಹಾರ‌ / ಹಂದಿ ಮರಿಗಳ ಆಹಾರ

• ಹಂದಿಮರಿಗಳು 2-3 ವಾರಗಳ ವಯಸ್ಸಿನಲ್ಲಿ ಒಣ ಆಹಾರವನ್ನು ತೆಗೆದುಕೊಳ್ಳುತ್ತವೆ. ಗರಿಷ್ಠ ಬೆಳವಣಿಗೆ ಮತ್ತು ಅಭಿವೃದ್ಧಿ ಹೊಂದಲು ಈ ಸಮಯದಲ್ಲಿ ಹೆಚ್ಚುವರಿ ಪೋಷಕಾಂಶಗಳನ್ನು ಒದಗಿಸುವುದು ಅತ್ಯಗತ್ಯ. ಹೆಚ್ಚಿನ ಬೆಳವಣಿಗೆಗಾಗಿ ಬಳಸುವ ಕ್ರೀಪ್ ಫೀಡ್ ಅನ್ನು ಹಂದಿ ಆರಂಭಿಕ ಆಹಾರ ಎಂದು ಕರೆಯಲಾಗುತ್ತದೆ. ಹಂದಿಮರಿಗಳಿಗೆ ತಾಯಿ ಹಂದಿಯ ಹಾಲು ಮಾತ್ರ ಸಾಕಾಗುವುದಿಲ್ಲ. ಕ್ರಿಪ್ ಆಹಾರವು 25-30% ಕಚ್ಚಾ ಪ್ರೋಟೀನ್ ಅನ್ನು ಹೊಂದಿರುತ್ತದೆ.
• ಕ್ರೀಪ್ ಎನ್ನುವುದು ಹಂದಿಮರಿಗಳಿಗೆ ಸಾಂದ್ರೀಕೃತ ಮಿಶ್ರಣವನ್ನು ನೀಡಲು ಒಂದು ಸಾಧನವಾಗಿದೆ. ಇದನ್ನು ಹೆರಿಗೆ ಮನೆಯ ಮೂಲೆಯಿಂದ ಜೋಡಿಸಬಹುದು. ಕ್ರೀಪ್ ಫೀಡ್ ಅನ್ನು 14-56 ದಿನಗಳಿಗೆ ನೀಡಲಾಗುತ್ತದೆ. ಆ ಆಹಾರದ ಸಂಯೋಜನೆಯು ಈ ಕೆಳಗಿನಂತಿರುತ್ತದೆ.

ಹಂದಿ ಮರಿಗಳ ಹಾಲು ಬಿಡಿಸುವುದು: ಸಾಮಾನ್ಯವಾಗಿ ಮರಿಗಳಿಗೆ 7-8 ವಾರಗಳ ವಯಸ್ಸಿನಲ್ಲಿ ಹಾಲು ಬಿಡಿಸಲಾಗುತ್ತದೆ. ಇದರ ಒತ್ತಡವನ್ನು ತಡೆಗಟ್ಟಲು ಹಂದಿಯನ್ನು ಪ್ರತಿದಿನ ಕೆಲವು ಗಂಟೆಗಳ ಕಾಲ ಹಂದಿಮರಿಗಳಿಂದ ಬೇರ್ಪಡಿಸಬೇಕು ಮತ್ತು ಅದರ ಆಹಾರವನ್ನು ಕ್ರಮೇಣವಾಗಿ ಕಡಿಮೆ ಮಾಡಬೇಕು.

ಅನಾಥ ಹಂದಿ ಮರಿಗಳು: ಇವುಗಳನ್ನು ಸಾಕು ಹಂದಿಯೊಂದಿಗೆ ಅಥವಾ ಪಯಾ೯ಯವಾಗಿ ಹಾಲನ್ನು (Milk Replacer) ಬಳಸಿ ಬೆಳೆಸಬಹುದು.

ಪೋಷಣೆ: ಹಂದಿಗಳ ಪೌಷ್ಟಿಕಾಂಶದ ಅವಶ್ಯಕತೆಗಳು ಅವುಗಳ ಲಿಂಗ, ವಯಸ್ಸು ಮತ್ತು ದೈಹಿಕ ಸ್ಥಿತಿಯನ್ನು ಅವಲಂಬಿಸಿ ಬದಲಾಗುತ್ತವೆ.

ಪೌಷ್ಟಿಕಾಂಶದ ಅವಶ್ಯಕತೆಗಳ ಪ್ರಕಾರ, ಹಂದಿಗಳನ್ನು ಈ ಕೆಳಗಿನಂತೆ 11 ವಿಭಿನ್ನ ಗುಂಪುಗಳಾಗಿ ವರ್ಗೀಕರಿಸಬಹುದು.

ಹಂದಿಮರಿಗಳು

ಎಳೆಯ ಹಂದಿಗಳು

• 1. ಪ್ರಿಆರಂಭಿಕ(ಪ್ರಿಸ್ಟಾಟ೯ರ) ಹಂದಿಗಳು (2-5 ಕಿ.ಗ್ರಾಂ.)
• 2. ಆರಂಭಿಕ (ಸ್ಟಾಟ೯ರ) ಹಂದಿಗಳು (5-11 ಕಿ.ಗ್ರಾಂ.)
• 3. ಬೆಳೆಯುತ್ತಿರುವ ಹಂದಿಗಳು (11-23 ಕಿ.ಗ್ರಾಂ.)

ಹಾಲು ಬಿಡಿಸಿದ ವಯಸ್ಸಿನಿಂದ ಮಾರುವ ವಯಸ್ಸಿನ ಹಂದಿಗಳು

• 4. ಬೆಳೆಯುತ್ತಿರುವ ಮತ್ತು ಮಾರಾಟಕ್ಕಿರುವ ಹಂದಿಗಳು (23-57 ಕಿ.ಗ್ರಾಂ.)
• 5. ಮಾರಾಟಕ್ಕಿರುವ ಹಂದಿಗಳು (57-91 ಕಿ.ಗ್ರಾಂ.)

ವಯಸ್ಕ ಗಂಡು ಹಂದಿಗಳು

• 6. ಗಂಡು ಹಂದಿಗಳು

ವಯಸ್ಕ ಹೆಣ್ಣು ಹಂದಿಗಳು

• 7. ಗಿಲ್ಟ್‌ಗಳು (ಮರಿಹಾಕದ ಹೆಣ್ಣು)
• 8. ಸಂತಾನೋತ್ಪತ್ತಿಗಾಗಿ ಬಳಸದ ಹಂದಿಗಳು
• 9. ಗರ್ಭಿಣಿ ಹಂದಿಗಳು
• 10. ಹೆರಿಗೆಯಲ್ಲಿರುವ ಹಂದಿಗಳು
• 11. ಹಾಲುಣಿಸುತ್ತಿರುವ ಹಂದಿಗಳು

ಗೊಬ್ಬರ ವಿಲೇವಾರಿ

ಘನ ಸಗಣಿ ಬೆಳಿಗ್ಗೆ ಮತ್ತು ಸಂಜೆ ಸಂಗ್ರಹಿಸಿ ಸಗಣಿ ಶೆಡ್‌ನಲ್ಲಿ ಹಾಕಬೇಕು. ಮೂತ್ರ ಮತ್ತು ಬೇರೆ ದ್ರವ ತ್ಯಾಜ್ಯವನ್ನು ಸೆಟ್ಲಿಂಗ್ ಟ್ಯಾಂಕ್‌ಗಳಲ್ಲಿ ಹಾಕಬಹುದು.

ರೈತರ ಅಡುಗೆ / ಬೆಳಕಿನ ಬೇಡಿಕೆಯನ್ನು ಪೂರೈಸಲು ಹಂದಿ ಸಾಕಾಣಿಕೆಯನ್ನು ಜೈವಿಕ ಅನಿಲ ಸ್ಥಾವರಕ್ಕೆ ಪರಿಣಾಮಕಾರಿಯಾಗಿ ಸಂಯೋಜಿಸಬಹುದು. ಇದನ್ನು ಕೃಷಿ ಮತ್ತು ಮೀನು ಸಾಕಣೆಗೆ ಸಹ ಸಂಯೋಜಿಸಬಹುದು, ಇದರಿಂದಾಗಿ ಒಟ್ಟಾರೆ ಆರ್ಥಿಕ ದಕ್ಷತೆಯನ್ನು ಹೆಚ್ಚಿಸಬಹುದು. ಹಂದಿ ಸಗಣಿ ಒಣಗಿದ ರೂಪದಲ್ಲಿ ಉತ್ತಮ ಸಾವಯವ ಗೊಬ್ಬರವಾಗಿದೆ.

ಹಂದಿಗಳ ದೈನಂದಿನ ಗೊಬ್ಬರ ಉತ್ಪಾದನೆ (ಅಂದಾಜು)

ಹಂದಿಗಳನ್ನು ಗುಂಪಿನಿಂದ ಬೆಪ೯ಡಿಸುವುದು/ಮಾರಾಟ ಮಾಡುವುದು

ಉತ್ಪಾದಕವಲ್ಲದ ಮತ್ತು ಕಡಿಮೆ ಉತ್ಪಾದಕ ಪ್ರಾಣಿಗಳನ್ನು ತಕ್ಷಣವೇ ಹಿಂಡಿನಿಂದ ಬೆಪ೯ಡಿಸಿ ತೆಗೆದು ಹಾಕಬೇಕು. ಆರೋಗ್ಯದಲ್ಲಿ ಗುಣಪಡಿಸಲಾಗದ ಅಥವಾ ಗುಣಪಡಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುವ ಕಾಯಿಲೆಗಳಿಂದ ಬಳಲುತ್ತಿರುವ ಹಂದಿಗಳನ್ನು ಸಹ ಗುಂಪಿನಿಂದ ತೆಗೆಯಬೇಕು. ಹೆಚ್ಚುವರಿ ಹಂದಿಗಳ ಬೀಜ(ವೃಷಣ) ತೆಗೆಯಬಹುದು. ಈ ಕೆಳಗಿನ ಪರಿಸ್ಥಿತಿಗಳಲ್ಲಿ ಹಂದಿಗಳನ್ನು ಗುಂಪಿನಿಂದ ಹೊರತೆಗೆಯಬಹುದು.

• ಹಂದಿ ಮರಿಗಳನ್ನು ಕಚ್ಚುವ ಮತ್ತು ಹಂದಿ ಮರಿಗಳಿಗೆ ಅಜಾಗರೂಕತೆಯಿಂದ ನೋಡಿಕೊಳ್ಳುವಂತಹ ದೋಷಗಳನ್ನು ಹೊಂದಿರುವ ಹೆಣ್ಣು ಹಂದಿಗಳು.
• ಆರ್ಟೇಸಿಯಾ ಆನಿ, ಗಭ೯ಚೀಲ ಹಿಗ್ಗುವಿಕೆ, ಹರ್ನಿಯಾ ಮತ್ತು ಕುರುಡುತನದಂತಹ ಮುಂತಾದ ದೋಷಗಳನ್ನು ಹೊಂದಿರುವ ಹಂದಿಗಳು.
• ಕುಂಠಿತ ಬೆಳವಣಿಗೆ ಹೊಂದಿರುವ ಹಂದಿ ಮರಿಗಳು.
• ಲೈಂಗಿಕ ಪ್ರಬುದ್ಧತೆಯಲ್ಲಿ ವಿಳಂಬ, ಬಂಜೆತನ, ಗರ್ಭಧರಿಸಲು ವಿಫಲತೆ, ದೀರ್ಘವಾದ ಹೆರಿಗೆಗಳ ಮಧ್ಯಂತರ, ಸ್ಥಿರವಾಗಿ ಕಡಿಮೆ ಮರಿಗಳನ್ನು ಜನ್ಮ ನೀಡುವ ಹಂದಿಗಳು.
• ನಾಲ್ಕು ಹೆರಿಗೆಗಳನ್ನು ಪೂರ್ಣಗೊಳಿಸಿದ ಹಂದಿಗಳನ್ನು ಬೇರೆ ಹಂದಿ ಅಥವಾ ಗಿಲ್ಟಗಳಿಂದ ಬದಲಿ ಮಾಡಬೇಕು. ಅತಿಯಾದ ತೂಕವಿರುವ ಮತ್ತು ಸಂತಾನೋತ್ಪತ್ತಿಗೆ ಸೂಕ್ತವಲ್ಲದ ಗಂಡು ಹಂದಿಗಳನ್ನು ಸರಿಯಾದ ಆರೋಗ್ಯಕರ ಗಂಡು ಹಂದಿಯೊಂದಿಗೆ ಬದಲಿ ಮಾಡಬೇಕು.
• ಗರ್ಭಿಣಿಯಾಗಲು ಕಷ್ಟ ಪಡುತ್ತಿರುವ ಮತ್ತು ಸತತವಾಗಿ ಕಡಿಮೆ ಮರಿಗಳನ್ನು ಜನ್ಮ ನೀಡುತ್ತಿರುವ ಹಂದಿಗಳು.
• ಸಂತಾನೋತ್ಪತ್ತಿಯಲ್ಲಿ ಫಲವತ್ತಾಗಿಲ್ಲದ ಗಂಡು ಹಂದಿಗಳು, ವೃದ್ಧಾಪ್ಯದ ಹಂತದಲ್ಲಿರುವ ಹಂದಿಗಳು ಹಾಗೂ ಕಳಪೆ ಪ್ರದರ್ಶನ ನೀಡುತ್ತಿರುವ ಹಂದಿಗಳು.

ಹಲ್ಲುಗಳನ್ನು ಕತ್ತರಿಸುವುದು

• ಸಾಮಾನ್ಯವಾಗಿ ಹಂದಿಮರಿಗಳ ಹಲ್ಲುಗಳನ್ನು ಕತ್ತರಿಸುವುದು ಅವಶ್ಯಕ, ಇದರಿಂದ ಮರಿಗಳು ತಾಯಿಯ ಕೆಚ್ಚಲು ಕಚ್ಚುವುದನ್ನು ತಡೆಯಬಹುದು.
• ಹಂದಿಮರಿಗಳು ಚೂಪಾದ ಸೂಜಿಯಂತಿರುವ ಹಲ್ಲುಗಳೊಂದಿಗೆ ಜನಿಸುತ್ತವೆ, ಇದು ಹಾಲುಣಿಸುತ್ತಿರುವಾಗ ಹಂದಿಯ ಕೆಚ್ಚಲಿಗೆ ಹಾನಿಯನ್ನುಂಟು ಮಾಡಬಹುದು. ಹಾಗಾಗಿ ಹಂದಿಯು ಮರಿಗಳನ್ನು ಹಾಲು ಹೀರಲು ಅವಕಾಶ ಕೊಡುವುದಿಲ್ಲ, ಇದರಿಂದ ಹಂದಿಮರಿಗಳು ಹಸಿವಿನಿಂದ ಬಳಲುತ್ತವೆ. ಅದಕ್ಕಾಗಿ ಹುಟ್ಟಿದ ದಿನವೇ ಹಲ್ಲುಗಳ ತುದಿಗಳನ್ನು ಮಾತ್ರ ತೆಗೆದುಹಾಕಬೇಕು.
• ಹಲ್ಲುಗಳನ್ನು ಕತ್ತರಿಸುವಾಗ ಹಂದಿಮರಿಗಳ ನಾಲಿಗೆಯನ್ನು ಹಿಂದಕ್ಕೆ ತಿರುಗಿಸಿಟ್ಟಿಕೊಂಡು ಗಾಯಗೊಳ್ಳದಂತೆ ನೋಡಿಕೊಳ್ಳಬೇಕು.

ರಕ್ತಹೀನತೆ ಅಥವಾ ಕಬ್ಬಿಣಾಂಶದ ಕೊರತೆಯ ನಿರ್ವಹಣೆ

• ರಕ್ತಹೀನತೆ ಕಬ್ಬಿಣಾಂಶದ ಕೊರತೆಯಿಂದ ಉಂಟಾಗುತ್ತದೆ. ಹಿಮೋಗ್ಲೋಬಿನ್ ರಚನೆಗೆ ಕಬ್ಬಿಣದ ಅಗತ್ಯವಿದೆ. ಇದು ಹಂದಿಗಳಲ್ಲಿ ಒಂದು ಪ್ರಮುಖ ಸಮಸ್ಯೆಯಾಗಿದೆ, ವಿಶೇಷವಾಗಿ ಒಳಾಂಗಣದಲ್ಲಿ ಇರಿಸಲಾದ ಚಿಕ್ಕ ಹಂದಿಮರಿಗಳಿಗೆ.
• ಜನನದ ಸಮಯದಲ್ಲಿ, ಹಂದಿಮರಿಗಳು ತಮ್ಮ ದೇಹದಲ್ಲಿ ಸುಮಾರು 50 ಮಿ.ಗ್ರಾಂ. ಕಬ್ಬಿಣವನ್ನು ಮಾತ್ರ ಹೊಂದಿರುತ್ತವೆ. ಮೊದಲ ವಾರದಲ್ಲಿ ಅವುಗಳಿಗೆ 7 ಮಿ.ಗ್ರಾಂ. ಅಗತ್ಯವಿರುವಾಗ ಅವು ಹಾಲಿನಿಂದ ದಿನಕ್ಕೆ 1-2 ಮಿ.ಗ್ರಾಂ. ಕಬ್ಬಿಣವನ್ನು ಹೆಚ್ಚುವರಿ ಪಡೆಯುತ್ತವೆ.
• ಕಬ್ಬಿಣವನ್ನು ಪೂರಕವಾಗಿ ಮರಿಗಳಿಗೆ ನೀಡದಿದ್ದರೇ, ಅದರ ಪ್ರಮಾಣವು ವೇಗವಾಗಿ ಕಡಿಮೆಯಾಗುತ್ತದೆ. ಜನನದ ಕೆಲವು ವಾರಗಳ ನಂತರ ಹಂದಿಮರಿಗಳು ತುಂಬಾ ಸುಸ್ತಾಗುತ್ತವೆ ಮತ್ತು ಅವುಗಳ ಬೆಳವಣಿಗೆ ನಿಧಾನವಾಗುತ್ತದೆ.

ಇದನ್ನು ತಡೆಗಟ್ಟುವ ಕ್ರಮಗಳು ಈ ಕೆಳಗಿನಂತಿವೆ.

ಮೌಖಿಕವಾಗಿ ಕಬ್ಬಿಣಾಂಶದ ಸಪ್ಲಿಮೆಂಟ್

• ನವಜಾತ ಶಿಶುಗಳಿಗೆ ಮೌಖಿಕವಾಗಿ(ಬಾಯಿ ಮುಖಾಂತರ) ಕಬ್ಬಿಣಾಂಶದ ಸಪ್ಲಿಮೆಂಟಗಳನ್ನು ನೀಡಬೇಕು. ಇದರ ತಯಾರಿಕೆಯಲ್ಲಿ ವಿಶೇಷ ಚೆಲೇಟೆಡ್ ಪ್ರಕ್ರಿಯೆಯನ್ನು ಬಳಸಲಾಗುತ್ತದೆ, ಇದು ಮರಿಗಳ ದೇಹದಲ್ಲಿ ಲಭ್ಯವಿರುವ ಕಬ್ಬಿಣವನ್ನು ಬಂಧಿಸಿ, ಅದನ್ನು ಸುರಕ್ಷಿತವಾಗಿ ಹೀರಿಕೊಳ್ಳುವಂತೆ ಅನುವು ಮಾಡಿಕೊಡುತ್ತದೆ, ಇದರಿಂದಾಗಿ ರಕ್ತದಲ್ಲಿ ಸಾಕಷ್ಟು ಕಬ್ಬಿಣದ ಮಟ್ಟ ಹೆಚ್ಚುತ್ತದೆ.
• ನವಜಾತ ಹಂದಿಮರಿಗೆ ಐರನ್ ಸಪ್ಲಿಮೆಂಟ್ ಅನ್ನು ನೀಡುವ ಸೂಕ್ತ ವಿಧಾನವೆಂದರೇ ದ್ರವ ಕಬ್ಬಿಣವನ್ನು ತಾಯಿ ಹಂದಿಯ ಕೆಚ್ಚಲಿನ ಮೇಲೆ ಉಜ್ಜುವುದು. ಹಂದಿಮರಿಗಳು ಹಾಲು ಕುಡಿಯುತ್ತಿರುವಾಗ ನಿಧಾನವಾಗಿ ಕಬ್ಬಿಣವನ್ನು ಹೀರಿಕೊಳ್ಳುತ್ತವೆ.
• ಮೌಖಿಕವಾಗಿ ಕಬ್ಬಿಣಾಂಶದ ಸಪ್ಲಿಮೆಂಟ ಬಳಸುವಾಗ ಯಾವುದೇ ಚುಚ್ಚುಮದ್ದುಗಳ ಅಗತ್ಯವಿಲ್ಲ, ಇದರಿಂದಾಗಿ ಐರನ್ ಡೆಕ್ಸ್ಟ್ರಾನ್ ಚುಚ್ಚುಮದ್ದಿನಿಂದ ಆಗುವ ವಿಷಕಾರಿ ಪ್ರತಿಕ್ರಿಯೆಯ ಸಾಧ್ಯತೆಯನ್ನು ತಡೆಯಬಹುದು.
• ಜನನದ 24 ಗಂಟೆಗಳ ಒಳಗೆ ಹಂದಿಮರಿಯ ಬಾಯಿಯಲ್ಲಿ ಕಬ್ಬಿಣವನ್ನು ಹೊಂದಿರುವ ಐರನ್-ಪೇಸ್ಟ್ ಅನ್ನು ಹಾಕಲಾಗುತ್ತದೆ.
• ಕಬ್ಬಿಣದ ಇಂಜೆಕ್ಷನ್: ಹಂದಿಮರಿಗೆ ಕಬ್ಬಿಣಾಂಶದ ಇಂಜೆಕ್ಷನ್ ಜನನದ ನಂತರ 3 ಮತ್ತು 13 ನೇ ದಿನಗಳಲ್ಲಿ ಕ್ರಮವಾಗಿ 1 ಮತ್ತು 2 ಮಿ.ಲಿ. ನಷ್ಟು ಕುತ್ತಿಗೆಯ ಸ್ನಾಯುಗಳಲ್ಲಿ ಕೊಡಬೇಕು.

ಬಾಲ ಕತ್ತರಿಸುವುದು/ ಡಾಕಿಂಗ್

• 4-7 ದಿನಗಳ ವಯಸ್ಸಿನಲ್ಲಿ ಬಾಲದ ತುದಿಯನ್ನು ಕತ್ತರಿಸಬೇಕು. ಇದರಿಂದ ಬಾಲ ಅಗಿಯುವುದು ಕಡಿಮೆಯಾಗುತ್ತದೆ ಹಾಗೂ ಸೋಂಕುಗಳು ಕೂಡ ಕಡಿಮೆಯಾಗುತ್ತವೆ.
• ಹಂದಿಮರಿಗಳು ಬಾಲ ಅಗಿಯುವುದನ್ನು ಕಡಿಮೆ ಮಾಡಲು ಸರಪಳಿಯ ತುಂಡನ್ನು ಸೀಲಿಂಗ್‌ನಿಂದ ಕೆಳಗೆ ನೇತುಹಾಕಬಹುದು.