ಬ್ರಿಡರ್ ಕೋಳಿ ನಿರ್ವಹಣೆ ಮತ್ತು ಹ್ಯಾಚಿಂಗ್ :

ಬ್ರೀಡರ್ ನಿರ್ವಹಣೆ

• ಬ್ರೀಡಿಂಗ್ ಕೋಳಿಗಳನ್ನು ಹ್ಯಾಚಿಂಗ್ ಮೊಟ್ಟೆಗಳ ಉತ್ಪಾದನೆಗಾಗಿ ಸಾಕಲಾಗುತ್ತದೆ. ಉತ್ತಮ ಒಡೆಯುವಿಕೆಗೆ ಗರಿಷ್ಠ ಫಲವತ್ತಾದ ಮೊಟ್ಟೆಗಳನ್ನು ಉತ್ಪಾದಿಸಲು ಜಾಗ್ರತೆ ವಹಿಸಬೇಕು. ಈ ಉದ್ದೇಶಕ್ಕಾಗಿ, ಬೆಳವಣಿಗೆ ಅವಧಿಯಲ್ಲಿ ಗಂಡು ಕೋಳಿಗಳನ್ನು ಹೆಣ್ಣು ಕೋಳಿಗಳಿಂದ ಪ್ರತ್ಯೇಕವಾಗಿ ಸಾಕಬೇಕು. 20 ವಾರಗಳ ವಯಸ್ಸಿನಲ್ಲಿ ಗಂಡು ಕೋಳಿಗಳನ್ನು ಹೆಣ್ಣು ಕೋಳಿಗಳ ಗುಂಪಿಗೆ ಪರಿಚಯಿಸಬೇಕು.‌ (ಅನುಪಾತ: ಭಾರೀ ತಳಿಗಳಿಗೆ 1:8 ಹಾಗೂ ಲಘು ತಳಿಗಳಿಗೆ 1:10)
• 24 ವಾರಗಳ ವಯಸ್ಸಿನಿಂದ ಹ್ಯಾಚಿಂಗ್ ಮೊಟ್ಟೆಗಳನ್ನು ಸಂಗ್ರಹಿಸಬಹುದು. ಕೋಳಿಗಳನ್ನು ಪುಲ್ಲೋರಮ್ ರೋಗ ಮತ್ತು ಮೈಕೋಪ್ಲಾಸ್ಮೋಸಿಸ್‌ನಿಂದ ಮುಕ್ತವಾಗಿರಿಸಬೇಕು. ಸ್ವಚ್ಛ ಮತ್ತು ಒಣ ಲಿಟ್ಟರ್ ಉತ್ತಮ ಒಡೆಯುವಿಕೆಯನ್ನು ಹೊಂದಿರುವ ಸ್ವಚ್ಛ ಮೊಟ್ಟೆಗಳ ಉತ್ಪಾದನೆಗೆ ಮತ್ತು ಕೋಳಿಗಳ ಸಾಮಾನ್ಯ ಆರೋಗ್ಯ ಸುಧಾರಣೆಗೆ ಅಗತ್ಯ.
• ಹ್ಯಾಚಿಂಗ್ ಮೊಟ್ಟೆಗಳು ತಾಜಾವಾಗಿರಬೇಕು ಹಾಗೂ ಶೆಲ್ ಗುಣಮಟ್ಟ ಉತ್ತಮವಾಗಿರಬೇಕು. ಮೊಟ್ಟೆಯ ಮೇಲ್ಭಾಗದಲ್ಲಿರುವ ಕೂದಲಿನಂತ ಬಿರುಕುಗಳು ಒಡೆಯುವಿಕೆಯನ್ನು ಕಡಿಮೆ ಮಾಡುತ್ತವೆ.
• ಪ್ರತಿ 5 ಕೋಳಿಗಳಿಗೆ ಒಂದು ನೆಸ್ಟ್ ಒದಗಿಸಬೇಕು.
• ಬ್ರೀಡಿಂಗ್ ಕೋಳಿಗಳಿಗೆ ಬ್ರೀಡರ್ ಮ್ಯಾಶ್ ಅಥವಾ MnSO₄, ಕೋಲಿನ್ ಕ್ಲೋರೈಡ್, ಸೆಲೆನಿಯಂ, ವಿಟಮಿನ್ E, ಲೈಸಿನ್ ಮತ್ತು ಮೆಥಿಯೊನಿನ್ ಸೇರಿಸಿದ ಲೇಯರ್ ಮ್ಯಾಶ್ ನೀಡಬೇಕು.

ಹ್ಯಾಚಿಂಗ್ ಮೊಟ್ಟೆಗಳ ಉತ್ಪಾದನೆ

• ಹ್ಯಾಚಿಂಗ್ ಮೊಟ್ಟೆಗಳನ್ನು ಉತ್ಪಾದಿಸಲು ಕಾಕರೆಲ್‌ಗಳನ್ನು ನಿರ್ವಹಿಸಬೇಕು. 100 ಪುಲೆಟ್‌ಗಳಿಗೆ 15 ಕಾಕರೆಲ್‌ಗಳ ಪ್ರಮಾಣದಲ್ಲಿ ಸಾಕಿ, 10 ವಾರಗಳ ವಯಸ್ಸಿನಲ್ಲಿ ಈ ಸಂಖ್ಯೆಯನ್ನು 12 ಕ್ಕೆ ಕಡಿತಗೊಳಿಸಬೇಕು.
• ಸಂತಾನೋತ್ಪತ್ತಿಗಾಗಿ, ಲಘು ತಳಿಗಳಿಗೆ 10–15 ಪುಲೆಟ್‌ಗಳಿಗೆ 1 ಗಂಡು ಹಾಗೂ ಭಾರೀ ಜಾತಿಗಳಿಗೆ 6–8 ಪುಲೆಟ್‌ಗಳಿಗೆ 1 ಗಂಡು ಕೋಳಿಯನ್ನು ಪರಿಚಯಿಸಬೇಕು.
• ಗಂಡುಗಳನ್ನು ಪರಿಚಯಿಸಿದ 2 ವಾರಗಳ ನಂತರ ಹ್ಯಾಚಿಂಗ್ ಮೊಟ್ಟೆಗಳನ್ನು ಸಂಗ್ರಹಿಸಬೇಕು. ದಿನಕ್ಕೆ 3–4 ಬಾರಿ ಮೊಟ್ಟೆಗಳನ್ನು ಸಂಗ್ರಹಿಸಬೇಕು. ಬಿಸಿಲು ಅಥವಾ ತಣ್ಣನೆಯ ಕಾಲದಲ್ಲಿ ಸಂಗ್ರಹದ ಆವರ್ತನೆಯನ್ನು ಹೆಚ್ಚಿಸಬೇಕು.
• ಮೊಟ್ಟೆಗಳನ್ನು ಸಂಗ್ರಹಿಸಿದ ತಕ್ಷಣ 10–16°C ತಾಪಮಾನ ಮತ್ತು 70–80% ಆರ್ದ್ರತೆಯಲ್ಲಿ ಸಂಗ್ರಹಿಸಬೇಕು. ತೂಕ, ಆಕಾರ, ಬಣ್ಣ ಮತ್ತು ಸಿಪ್ಪೆ ಉತ್ತಮವಾಗಿರುವ ಮೊಟ್ಟೆಗಳನ್ನು ಮಾತ್ರ ಆಯ್ಕೆ ಮಾಡಬೇಕು.
• ಸಂಗ್ರಹಣೆ ಮತ್ತು ಸಾಗಣೆಯ ಸಮಯದಲ್ಲಿ ಮೊಟ್ಟೆಗಳನ್ನು ಅಗಲ ತುದಿ ಮೇಲಕ್ಕೆ ಇರಿಸಿ, ತುಂಬಾ ಎಚ್ಚರಿಕೆಯಿಂದ ಸಾಗಿಸಬೇಕು.
• ಸಾಧ್ಯವಾದರೆ, ಹ್ಯಾಚಿಂಗ್ ಮೊಟ್ಟೆಗಳನ್ನು ವಾರಕ್ಕೆ ಎರಡು ಬಾರಿ ಇನ್ಕ್ಯೂಬೇಶನ್‌ಗೆ ಇಡಬೇಕು ಅಥವಾ ಮಾರುಕಟ್ಟೆಗೆ ಕಳುಹಿಸಬೇಕು. ಸಾಮಾನ್ಯ ಸಂಗ್ರಹ ಪರಿಸ್ಥಿತಿಯಲ್ಲಿ ಒಂದು ವಾರಕ್ಕಿಂತ ಹೆಚ್ಚು ಕಾಲ ಹ್ಯಾಚಿಂಗ್ ಮೊಟ್ಟೆಗಳನ್ನು ಇಡಬಾರದು.

ಒಡೆಯುವಿಕೆ (ಹ್ಯಾಚಿಂಗ್)

ಕೋಳಿ ಮೊಟ್ಟೆಯ ಇನ್ಕ್ಯೂಬೇಶನ್ ಅವಧಿ 21 ದಿನಗಳಾಗಿರುತ್ತದೆ. ಯಶಸ್ವಿ ಒಡೆಯುವಿಕೆಗೆ ಮೊಟ್ಟೆಗಳಿಗೆ ನಿರ್ದಿಷ್ಟ ತಾಪಮಾನ, ತಿರುಗಿಸುವಿಕೆ ಮತ್ತು ಗಾಳಿ (ವೆಂಟಿಲೇಷನ್) ಅಗತ್ಯವಿರುತ್ತದೆ.

ವಿವರ	1–18 ದಿನಗಳು	19–21 ದಿನಗಳು
ತಾಪಮಾನ (°C)	37.5 – 37.8	36.9 – 37.5
ಆರ್ದ್ರತೆ (%)	60	70
ತಿರುಗಿಸುವಿಕೆ (Turning)	ಪ್ರತಿ 4 ಗಂಟೆಗೆ ಒಮ್ಮೆ	–
ವಾತಾಯನ (Ventilation)	8 ಬದಲಾವಣೆ ಪ್ರತಿ ಗಂಟೆಗೆ	12 ಬದಲಾವಣೆ ಪ್ರತಿ ಗಂಟೆಗೆ

ಮೊಟ್ಟೆ ಒಡೆಯುವಿಕೆ (Hatching of Eggs)

ಮೊಟ್ಟೆ ಒಡೆಯುವಿಕೆ ಅಂದರೆ ಮರಿಗಳ ಉತ್ಪಾದನೆ. ಹಿಂದಿನ ಕಾಲದಲ್ಲಿ ಮೊಟ್ಟೆಗಳನ್ನು ಬ್ರೂಡಿ ಕೋಳಿಗಳಡಿ ಇಟ್ಟು ಒಡೆಯುತ್ತಿದ್ದರು. ದೇಸಿ ಕೋಳಿಗಳು ಈ ಉದ್ದೇಶಕ್ಕೆ ಅತ್ಯುತ್ತಮವಾಗಿವೆ ಎಂದು ಕಂಡುಬಂದವು. 1 ಕೋಳಿಗೆ ಕೇವಲ 10–12 ಮೊಟ್ಟೆಗಳನ್ನು ಇಡುವ ಸಾಧ್ಯತೆ ಮಾತ್ರ ಇದೆ. ಈ ಹ್ಯಾಚಿಂಗ್ ವಿಧಾನವು ಮರಿಗಳ ದೊಡ್ಡ ಪ್ರಮಾಣದ ಉತ್ಪಾದನೆಗೆ ಸೂಕ್ತವಲ್ಲ.

ಇತ್ತೀಚೆಗೆ, ಬ್ರೂಡಿ ಕೋಳಿಗಳಂತಹ ಪರಿಸರವನ್ನು ಕೃತ್ರಿಮವಾಗಿ ಸೃಷ್ಟಿಸುವ ಇಂಕ್ಯುಬೇಟರ್‌ಗಳು ಬಳಸಲಾಗುತ್ತಿವೆ. ಇವು ಹೆಚ್ಚು ಪರಿಣಾಮಕಾರಿಯಾಗಿ ಮೊಟ್ಟೆಗಳನ್ನು ಒಡೆಯುವಂತೆ ಮಾಡುತ್ತವೆ.

ಇಂಕ್ಯುಬೇಶನ್ (Incubation)

ಯಶಸ್ವಿ ಹ್ಯಾಚಿಂಗ್‌ಗಾಗಿ ಅಗತ್ಯವಿರುವ ಭೌತಿಕ ಅಂಶಗಳಾದ ತಾಪಮಾನ, ಆರ್ದ್ರತೆ, ವಾಯುಗತ ಪರಿಸರ ಮತ್ತು ಮೊಟ್ಟೆ ತಿರುಗಿಸುವಿಕೆಯನ್ನು ಇಂಕ್ಯುಬೇಟರ್‌ಗಳು ಚೆನ್ನಾಗಿ ನಿವ೯ಹಿಸುತ್ತದೆ. ಇಂಕ್ಯುಬೇಟರ್‌ಗಳ ತಾಪಮಾನವನ್ನು ತಯಾರಕರ ಸೂಚನೆಯಂತೆ ನಿರ್ವಹಿಸಬೇಕು.

ತಾಪಮಾನ ಶ್ರೇಣಿ:

• ಫೋರ್ಸ್ಡ್ ಡ್ರಾಫ್ಟ್ ಟೈಪ್ ಇನ್ಕ್ಯೂಬೇಟರ್‌ಗಳಿಗೆ: 99.5°F – 100.5°F (37.2°C – 37.8°C)
• ಸ್ಟಿಲ್ ಏರ್ ಇನ್ಕ್ಯೂಬೇಟರ್‌ಗಳಿಗೆ: 1°F ಹೆಚ್ಚು

ತಾಪಮಾನ ಕಡಿಮೆಯಾಗಿದ್ದರೆ, ಭ್ರೂಣದ ಬೆಳವಣಿಗೆ ನಿಧಾನಗೊಳ್ಳುತ್ತದೆ ಹಾಗೂ ಹೆಚ್ಚು ಇದ್ದರೆ ಭ್ರೂಣದ ಬೆಳವಣಿಗೆ ವೇಗವಾಗುತ್ತದೆ. ದೀರ್ಘಕಾಲ ಅಪ್ರಮಾಣಿತ ತಾಪಮಾನ ಇದ್ದರೆ ಬ್ರೂಣದ ಸಾವು ಹೆಚ್ಚಾಗಿ, ಹ್ಯಾಚಿಬಿಲಿಟಿ ಕಡಿಮೆಯಾಗುತ್ತದೆ ಹಾಗೂ ಅಶಕ್ತ ಮರಿಗಳು ಹುಟ್ಟಬಹುದು.

ಆರ್ದ್ರತೆ:

ಆರ್ದ್ರತೆ ಹ್ಯಾಚಿಬಿಲಿಟಿ ಮೇಲೆ ತುಂಬ ಪರಿಣಾಮ ಬೀರುತ್ತದೆ. ಆರ್ದ್ರತೆ ಮಾಪನಕ್ಕೆ ಡ್ರೈ ಮತ್ತು ವೆಟ್ ಬಲ್ಬ್ ಥರ್ಮೋಮೀಟರ್‌ಗಳನ್ನು ಬಳಸಲಾಗುತ್ತದೆ. ಕೋಳಿಯು ಮೊಟ್ಟೆ ಒಡೆಯಲು ಸುಮಾರು 21 ದಿನ ತೆಗೆದುಕೊಳ್ಳುತ್ತದೆ. ಹ್ಯಾಚಿಬಿಲಿಟಿಗೆ ಮೊದಲ 18 ದಿನಗಳಲ್ಲಿ ಆರ್ದ್ರತೆ 60% ಇರಬೇಕು ಹಾಗೂ ಕೊನೆ 3 ದಿನಗಳಲ್ಲಿ 70% ಇರಬೇಕು. ಫೋರ್ಸ್ಡ್ ಡ್ರಾಫ್ಟ್ ಟೈಪ್ ಇನ್ಕ್ಯೂಬೇಟರ್‌ನಲ್ಲಿ ಆರ್ದ್ರತೆ ಹೆಚ್ಚಾದಂತೆ ತಾಪಮಾನ ಕಡಿಮೆ ಮಾಡಬೇಕು.

ಮೊಟ್ಟೆಗಳನ್ನು ಇನ್ಕ್ಯೂಬೇಟರ್‌ಗೆ ಹಾಕುವ ವಿಧಾನ:

• ಮೊಟ್ಟೆಗಳ ಅಗಲವಾದ ಭಾಗ ಮೇಲೆ ಬರುವಂತೆ ಇಡಬೇಕು.
• ನ್ಯಾರೋ (ಚಿಕ್ಕ) ಭಾಗ ಮೇಲಕ್ಕೆ ಇಟ್ಟರೆ ಭ್ರೂಣದ ತಲೆ ಚಿಕ್ಕ ಭಾಗದಲ್ಲಿ ಬೆಳೆಯುವುದರಿಂದ ಹ್ಯಾಚಿಬಿಲಿಟಿ ಕಡಿಮೆಯಾಗುತ್ತದೆ.

ತಿರುಗಿಸುವಿಕೆ (Turning):

• ಹ್ಯಾಚಿಂಗ್ ಉತ್ತಮವಾಗಲು ಮೊಟ್ಟೆಗಳನ್ನು ತಿರುಗಿಸಬೇಕು.
• ಕೈಯಿಂದ ತಿರುಗಿಸಿದರೆ, ದಿನಕ್ಕೆ ಕನಿಷ್ಠ 4 ಬಾರಿ ತಿರುಗಿಸಬೇಕು.
• ಆಧುನಿಕ ಇನ್ಕ್ಯೂಬೇಟರ್‌ಗಳು 24 ಗಂಟೆಗಳಲ್ಲಿ ಕನಿಷ್ಠ 8 ಬಾರಿ ಮೊಟ್ಟೆಗಳನ್ನು ತಿರುಗಿಸುತ್ತದೆ. ಮೊಟ್ಟೆ ಟ್ರೇಗಳು 90° ಕೋನದಲ್ಲಿ ತಿರುಗುತ್ತವೆ.
• 18 ದಿನದ ನಂತರ ತಿರುಗಿಸುವಿಕೆ ಅಗತ್ಯವಿಲ್ಲ.

ಪ್ರತ್ಯೇಕ ಹ್ಯಾಚರ್ ಬಳಸುವ ಪ್ರಯೋಜನ:

• ಹ್ಯಾಚರ್ಸ್ ಪ್ರತ್ಯೇಕವಾಗಿ ಬಳಸಿದರೆ ಹ್ಯಾಚಿಬಿಲಿಟಿ ಉತ್ತಮವಾಗುತ್ತದೆ.
• ತಾಪಮಾನ ~98°F, ಆರ್ದ್ರತೆ 70–80% ಇರಿಸಬೇಕು.
• ಪ್ರತ್ಯೇಕ ಹ್ಯಾಚರ್ ಬಳಸುವುದರಿಂದ ಇತರ ಮೊಟ್ಟೆಗಳಿಗೆ ತೊಂದರೆಯಾಗದಂತೆ ಸ್ವಚ್ಛಗೊಳಿಸುವಿಕೆ, ಡಿಸ್ಇನ್ಫೆಕ್ಷನ್ ಮತ್ತು ಫ್ಯೂಮಿಗೇಶನ್ ಮಾಡಲು ಅನುಕೂಲಕಾರಿಯಾಗಿದೆ.

ಕಾವು ಕೊಟ್ಟ ಮೊಟ್ಟೆಗಳ ಪರೀಕ್ಷೆ (Testing of Incubated Eggs)

• ಮೊಟ್ಟೆಗಳನ್ನು ಕ್ಯಾಂಡಲ್ (ಬೆಳಕಿನ ಮೂಲಕ್ಕೆ ಮೊಟ್ಟೆಯನ್ನು ಹಿಡಿದು) ಬಳಸಿ 5ನೇ ದಿನದಿಂದ 7ನೇ ದಿನದವರೆಗೆ ಪರಿಕ್ಷಿಸಿ, ಫಲವತ್ತಿರದ ಮೊಟ್ಟೆಗಳನ್ನು ತೆಗೆದುಹಾಕಬಹುದು ಹಾಗೂ 18ನೇ ದಿನದಲ್ಲಿ ಸತ್ತ ಭ್ರೂಣ ಹೊಂದಿರುವ ಮೊಟ್ಟೆಗಳನ್ನು ತೆಗೆದುಹಾಕಬಹುದು.
• ಫಲವತ್ತಿರದ ಅಥವಾ ಸತ್ತ ಬ್ರೂಣ ಹೊಂದಿರುವ ಮೊಟ್ಟೆಗಳಿಂದ ಪ್ರಯೋಜನವಿಲ್ಲ ಹಾಗೂ ಅವುಗಳನ್ನು ತೆಗೆಯುವುದರಿಂದ ಇನ್ಕ್ಯೂಬೇಟರ್‌ನಲ್ಲಿ ಹೊಸ ಮೊಟ್ಟೆಗಳನ್ನು ಇಡಲು ಸ್ಥಳ ದೊರೆಯುತ್ತದೆ.
• ಹೆಚ್ಚಿನ ವಾಣಿಜ್ಯ ಸಂಸ್ಥೆಗಳಲ್ಲಿ, ಶ್ರಮವನ್ನು ಉಳಿಸಲು ಕಾವುಕೊಡುವಿಕೆಯ 17 ಅಥವಾ 18 ನೇ ದಿನದಂದು ಕ್ಯಾಂಡಲಿಂಗ್ ಮಾಡಲಾಗುತ್ತದೆ. ಅದರಲ್ಲಿ ಮೊಟ್ಟೆಯಿಂದ ಬೆಳಕಿನ ಸಾಗಣೆ ಆಧರಿಸಿ:

• Transparent (ಪಾರದರ್ಶಕ)→ infertile (ಬಂಜೆತನ)
• Translucent (ಅರೆಪಾರದರ್ಶಕ)→ dead germ (ಸತ್ತ ಭ್ರೂಣ)
• Opaque (ಅಪಾರದರ್ಶಕ)→ live embryos (ಜೀವಂತ ಭ್ರೂಣ)

1. ಜೀವಂತ ಭ್ರೂಣ (Live embryos) ಇರುವ ಮೊಟ್ಟೆಗಳನ್ನು ಮಾತ್ರ ಹ್ಯಾಚರ್‌ಗೆ ವರ್ಗಾಯಿಸಲಾಗುತ್ತದೆ.

ಪೆಡಿಗ್ರಿ ಹ್ಯಾಚಿಂಗ್:

• ಮೊಟ್ಟೆಗಳನ್ನು ತಂದೆ ಮತ್ತು ತಾಯಿ ಕೋಳಿಗಳ ಪ್ರಕಾರ ಇನ್ಕ್ಯೂಬೇಟರ್‌ನಲ್ಲಿ ಇಡಬೇಕು.
• ಹ್ಯಾಚರ್‌ನಲ್ಲಿ ಕಂಪಾಟ೯ಮೆಂಟ-ವೈಸ್‌ ಇರಿಸಬೇಕು; ಪ್ರತಿ ತಾಯಿ ಕೋಳಿಗೆ ಒಂದು ಕಂಪಾಟ೯ಮೆಂಟ ಇರಬೇಕು.

ಹ್ಯಾಚರಿ ನಿರ್ವಹಣೆ (Hatchery Management)

• ಹ್ಯಾಚಿಂಗ್ ಆರಂಭದಲ್ಲಿ, ಇಂಕ್ಯೂಬೇಟರ್ ಮತ್ತು ಹ್ಯಾಚರ್‌ಗಳ ಕಾರ್ಯಕ್ಷಮತೆ ಪರಿಶೀಲಿಸಿ, ಯಾವುದೇ ದೋಷ ಇದ್ದರೆ ಸರಿಪಡಿಸಬೇಕು.
• ಮೊಟ್ಟೆಗಳನ್ನು ಹ್ಯಾಚರ್‌ಗೆ ಹಾಕುವುದಕ್ಕೂ ಮೊದಲು ಇವುಗಳನ್ನು ಸ್ವಚ್ಛಗೊಳಿಸಿ, ಡಿಸ್ಇನ್ಫೆಕ್ಟ್ ಮಾಡಿ, ಫ್ಯೂಮಿಗೇಶನ್ ಮಾಡಬೇಕು. ಇದು ರೋಗಗಳ ಸಂಭವನೆಯನ್ನು ಕಡಿಮೆ ಮಾಡುತ್ತದೆ.
• ಫ್ಯೂಮಿಗೇಶನ್ ಸಾಮಾನ್ಯವಾಗಿ ಫಾರ್ಮಾಲ್ಡಿಹೈಡ್ ಗ್ಯಾಸ್‌ ಬಳಸಿ ಮಾಡಲಾಗುತ್ತದೆ: 2.8 m³ ಸ್ಥಳಕ್ಕೆ 40% ಫಾರ್ಮಾಲಿನ್ 40 ಮಿ.ಲಿ. + ಪೊಟ್ಯಾಸಿಯಂ ಪರ್ಮಾಂಗನೇಟ್ 20 ಗ್ರಾಂ ಬಳಸಲಾಗುತ್ತದೆ.
• ಪೊಟ್ಯಾಸಿಯಂ ಪರ್ಮಾಂಗನೇಟ್ ಗ್ಲಾಸ್ ಅಥವಾ ಮಣ್ಣಿನ ಪಾತ್ರೆಯಲ್ಲಿ ಇಟ್ಟು, ಫಾರ್ಮಾಲಿನ್ ಅದರಲ್ಲಿ ಹಾಕುತ್ತಾರೆ. ಫ್ಯೂಮಿಗೇಶನ್ ದಿನದ ಕೆಲಸದ ಅಂತ್ಯದಲ್ಲಿ ಮಾಡುವುದು ಉತ್ತಮ.
• ಮೊಟ್ಟೆಗಳನ್ನು ಇಡುವ ಕನಿಷ್ಠ 24 ಗಂಟೆಗಳ ಮುಂಚಿತವಾಗಿ ಇನ್ಕ್ಯೂಬೇಟರ್ ಮತ್ತು ಹ್ಯಾಚರ್ ಪ್ರಾರಂಭಿಸುವುದರಿಂದ ಸೂಕ್ತ ತಾಪಮಾನ ಕಾಯ್ದುಕೊಳ್ಳಲು ಸಾಧ್ಯ.

ಹ್ಯಾಚಿಂಗ್ ಪ್ರಕ್ರಿಯೆ:

• ಹ್ಯಾಚರಿ ಸಿಬ್ಬಂದಿಗಳು ಸ್ನಾನ ಮಾಡಿ, ಬಟ್ಟೆ ಮತ್ತು ಶೂಸ್ ಬದಲಿಸಿ ಪ್ರವೇಶಿಸಬೇಕು.
• ಸೋಂಕನ್ನು ಕಡಿಮೆ ಮಾಡಲು ಫಾರ್ಮ್‌ನಿಂದ ಮೊಟ್ಟೆಗಳನ್ನು ಸ್ವೀಕರಿಸುವುದು ಮತ್ತು ಮರಿಗಳನ್ನು ತಲುಪಿಸುವುದು ಪರಸ್ಪರ ದೂರವಿರಬೇಕು.
• ವಿದ್ಯುತ್ ಸರಬರಾಜು ಅನಿಶ್ಚಿತವಾಗಿದ್ದಾಗ ಸ್ಟ್ಯಾಂಡ್‌ಬೈ ಜನರೇಟರ್ ಬಳಕೆಯನ್ನು ಶಿಫಾರಸು ಮಾಡಲಾಗುತ್ತದೆ.