ಪರಿಚಯ :

• ಭಾರತವು ಸಮೃದ್ಧ ಪಶುಸಂಪತ್ತು ಮತ್ತು ಕೋಳಿ ಸಾಕಾಣಿಕೆ ಸಂಪನ್ಮೂಲಗಳನ್ನು ಹೊಂದಿದ್ದು, ಇವು ಗ್ರಾಮೀಣ ಜನರ ಸಾಮಾಜಿಕ-ಆರ್ಥಿಕ ಅಭಿವೃದ್ಧಿಗೆ ಮಹತ್ವದ ಕೊಡುಗೆ ನೀಡುತ್ತಿವೆ.
• ಭಾರತದಲ್ಲಿ ಕೋಳಿ ಸಾಕಣೆಯ ಒಟ್ಟು ಉತ್ಪಾದನೆಯಲ್ಲಿ ವಾಣಿಜ್ಯ ವಲಯವು ಸುಮಾರು 70% ರಷ್ಟು ಮತ್ತು ಉಳಿದ 30% ರಷ್ಟು ಅಸಂಘಟಿತ ವಲಯವು ಕೊಡುಗೆ ನೀಡುತ್ತದೆ.
• ಭಾರತ ಸರ್ಕಾರದ ವರದಿಗಳ ಪ್ರಕಾರ, ಭಾರತದಲ್ಲಿ ಒಟ್ಟು ಕೋಳಿಗಳ ಸಂಖ್ಯೆ 851.81 ಮಿಲಿಯನ್ (20 ನೇ ಜಾನುವಾರು ಗಣತಿಯ ಪ್ರಕಾರ) ಮತ್ತು ಮೊಟ್ಟೆ ಉತ್ಪಾದನೆಯು 2024-25ರ ಅವಧಿಯಲ್ಲಿ ಸುಮಾರು 149.11 ಬಿಲಿಯನ್ ಆಗಿದೆ. 2024-25ರಲ್ಲಿ ವಾರ್ಷಿಕ ತಲಾ ಲಭ್ಯತೆಯು ಸುಮಾರು 106 ಮೊಟ್ಟೆಗಳಷ್ಟಿತ್ತು.
• 2024-25ರಲ್ಲಿ ಮೊಟ್ಟೆ ಉತ್ಪಾದನೆಯು ಶೇ. 4.4 ರಷ್ಟು ಸಕಾರಾತ್ಮಕ ಬೆಳವಣಿಗೆಯನ್ನು ತೋರಿಸಿದೆ.
• ಒಟ್ಟು ಮೊಟ್ಟೆ ಮತ್ತು ಮಾಂಸ ಉತ್ಪಾದನೆಯಲ್ಲಿ ಭಾರತವು ಕ್ರಮವಾಗಿ ವಿಶ್ವದಲ್ಲಿ 3ನೇ ಮತ್ತು 5ನೇ ಸ್ಥಾನವನ್ನು ಹೊಂದಿದೆ.

ಕೋಳಿ ಸಾಕಾಣಿಕೆಯ ಲಾಭಗಳು:

• ಹೆಚ್ಚು ಉತ್ಪಾದಕತೆ ನೀಡುವ ಉದ್ಯಮವಾಗಿದೆ.
• ಆರಂಭಿಸಲು ಹೆಚ್ಚಿನ ಮೂಲಧನ ಅಗತ್ಯವಿಲ್ಲ.
• ಆರಂಭಿಸಲು ಹೆಚ್ಚಿನ ಸ್ಥಳದ ಅಗತ್ಯವಿಲ್ಲ̤ ಲಭ್ಯವಿರುವ ಸೀಮಿತ ಪ್ರದೇಶದಲ್ಲಿಯೇ ಆರಂಭಿಸಬಹುದು.
• ಕಡಿಮೆ ನಿರ್ವಹಣೆಯ ಅಗತ್ಯವಿದೆ.
• ಇತರೆ ಮಾಂಸ ಉತ್ಪನ್ನಗಳಿಗಿಂತ ಕೋಳಿ ಮಾಂಸ ಉತ್ಪನ್ನಗಳಿಗೆ ಹೆಚ್ಚಿನ ಬೇಡಿಕೆ ಹಾಗೂ ಮಾರುಕಟ್ಟೆ ಇದೆ.
• ವಿವಿಧ ಹಂತಗಳಲ್ಲಿ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತದೆ.
• ಹೂಡಿಕೆಯ ಮೇಲೆ ತ್ವರಿತ ಲಾಭ ದೊರೆಯುತ್ತದೆ.
• ಉತ್ಪನ್ನಗಳ ಮಾರಾಟ ವ್ಯವಸ್ಥೆ ಬಹಳ ಸುಲಭ.