ವೈಜ್ಞಾನಿಕ ಮಾಹಿತಿ ಲಭ್ಯತೆ:

• ಭಾರತೀಯ ಕೃಷಿ ಅನುಸಂಧಾನ ಪರಿಷತ್ (ICAR) (https://icar.org.in/institutes), ರಾಜ್ಯ ಕೃಷಿ ಮತ್ತು ಪಶುವೈದ್ಯಕೀಯ ವಿಶ್ವವಿದ್ಯಾಲಯಗಳು ಮತ್ತು ಸಂಬಂಧಿತ ಕೃಷಿ ವಿಜ್ಞಾನ ಕೇಂದ್ರ (https://icar.org.in/index.php/krishi-vigyan-kendras) (KVK) ಗಳ ಅಡಿಯಲ್ಲಿ ವಿವಿಧ ಸಂಶೋಧನಾ ಹಾಗೂ ವಿಸ್ತರಣಾ ಸಂಸ್ಥೆಗಳು ಕೋಳಿ ಸಾಕಣೆಯ ಬಗ್ಗೆ ವೈಜ್ಞಾನಿಕ ಮಾಹಿತಿಯನ್ನು ನೀಡುವುದರ ಜೊತೆಗೆ ಹಿತ್ತಲಿನ ಸಾಕಣೆಗೆ ಸೂಕ್ತವಾದ ಸ್ಥಳೀಯ ಮತ್ತು ಸುಧಾರಿತ ಕೋಳಿ ತಳಿಗಳ ಅಭಿವೃದ್ಧಿ ಮತ್ತು ಪ್ರಚಾರದಲ್ಲಿ ತೊಡಗಿಸಿಕೊಂಡಿವೆ.
• ರಾಜ್ಯ ಸರ್ಕಾರಗಳ ಪಶುಸಂಗೋಪನೆ ಮತ್ತು ಪಶುವೈದ್ಯಕೀಯ ಸೇವೆಗಳ ಇಲಾಖೆಯು ವಿವಿಧ ಯೋಜನೆಗಳು ಮತ್ತು ಕಾರ್ಯಕ್ರಮಗಳಿಂದ ಬೆಂಬಲಿತವಾದ ಹಿತ್ತಲಿನ ಕೋಳಿ ಸಾಕಣೆಯಲ್ಲಿ ತೊಡಗಿಸಿಕೊಂಡಿದೆ. ಇದಲ್ಲದೆ, ಖಾಸಗಿ ಕೈಗಾರಿಕೆಗಳು, ರೈತ ಉತ್ಪಾದಕ ಸಂಸ್ಥೆಗಳು, ಸರ್ಕಾರೇತರ ಸಂಸ್ಥೆಗಳು, ಸ್ವಸಹಾಯ ಗುಂಪುಗಳು ಮತ್ತು ರೈತ ಸಂಘಗಳಂತಹ ಇತರ ಸಂಸ್ಥೆಗಳು ಸಹ ರೈತ ಸಮುದಾಯದ ಪ್ರಯೋಜನಕ್ಕಾಗಿ ಹಿತ್ತಲಿನ ಕೋಳಿ ಸಾಕಣೆಯಲ್ಲಿ ತೊಡಗಿಸಿಕೊಂಡಿವೆ ಎಂಬುದನ್ನು ಗಮನಿಸಬಹುದು.
• ಹಿತ್ತಲಿನ ಕೋಳಿ ಉತ್ಪಾದನೆಯನ್ನು ಪ್ರಾರಂಭಿಸಲು ರೈತರು ಮೇಲೆ ತಿಳಿಸಿದ ಯಾವುದೇ ಸಂಸ್ಥೆಯಿಂದ ಮೊಟ್ಟೆ ಇಡಲು ಸಿದ್ಧವಾದ ಪುಲೆಟ್‌ಗಳನ್ನು ಖರೀದಿಸಬಹುದು ಅಥವಾ ಪರ್ಯಾಯವಾಗಿ ಅವರು ಫಲವತ್ತಾದ ಮೊಟ್ಟೆಗಳನ್ನು ಪಡೆಯಬಹುದು ಮತ್ತು ತಮ್ಮದೇ ಆದ ಸ್ಟಾಕ್ ಮಾಡಲು ಸ್ಥಳೀಯ ತಳಿಗಳನ್ನು ಬಳಸಿ ಮರಿ ಮಾಡಬಹುದು.
• ಈ ಕೆಳಗೆ ಉಲ್ಲೇಖಿಸಲಾದ ಸಂಸ್ಥೆಗಳು ಸ್ಥಳೀಯ ಮತ್ತು ಸುಧಾರಿತ ಕೋಳಿ ತಳಿಗಳ ಅಭಿವೃದ್ಧಿ ಮತ್ತು ಪ್ರಚಾರದಲ್ಲಿ ತೊಡಗಿಕೊಂಡಿವೆ ಹಾಗೂ ಆಯಾ ಸ್ಥಳೀಯ ಪ್ರದೇಶದ ಹವಾಮಾನ ಪರಿಸ್ಥಿತಿಗಳು, ಭೌಗೋಳಿಕ ಸ್ಥಳ, ಸಾಮಾಜಿಕ-ಆರ್ಥಿಕ ಹಿನ್ನೆಲೆ, ಋತುಮಾನಗಳು ಇತ್ಯಾದಿಗಳ ಆಧಾರದ ಮೇಲೆ ಮಾಹಿತಿಯನ್ನು ನೀಡುತ್ತವೆ.
• ICAR-ಸೆಂಟ್ರಲ್ ಏವಿಯನ್ ರಿಸರ್ಚ್ ಇನ್ಸ್ಟಿಟ್ಯೂಟ್ (CARI), ಇಜತನಗರ (ಬರೇಲಿ), ಉತ್ತರ ಪ್ರದೇಶ
• ಕೇಂದ್ರ ಕೋಳಿ ಅಭಿವೃದ್ಧಿ ಸಂಸ್ಥೆ ಮತ್ತು ತರಬೇತಿ ಸಂಸ್ಥೆ (CPDOTI), ಹೆಸರಘಟ್ಟ, ಕರ್ನಾಟಕ
• ಕೇಂದ್ರ ಕೋಳಿ ಅಭಿವೃದ್ಧಿ ಸಂಸ್ಥೆ (CPDO), ಮುಂಬೈ, ಮಹಾರಾಷ್ಟ್ರ
• ಕೇಂದ್ರ ಕೋಳಿ ಅಭಿವೃದ್ಧಿ ಸಂಸ್ಥೆ (CPDO), ಚಂಡೀಗಢ
• ಕೇಂದ್ರ ಕೋಳಿ ಅಭಿವೃದ್ಧಿ ಸಂಸ್ಥೆ (CPDO), ಭುವನೇಶ್ವರ, ಒಡಿಶಾ
• ಕೋಳಿ ಸಾಕಣೆ ಕುರಿತು ಅಖಿಲ ಭಾರತ ಸಂಯೋಜಿತ ಸಂಶೋಧನಾ ಯೋಜನೆ (AICRP), ಹೈದರಾಬಾದ್
• ICAR-ಕೇಂದ್ರ ಕರಾವಳಿ ಕೃಷಿ ಸಂಶೋಧನಾ ಸಂಸ್ಥೆ, ಗೋವಾ
• ICAR- ಕೋಳಿ ಸಂಶೋಧನಾ ನಿರ್ದೇಶನಾಲಯ (DPR), ಹೈದರಾಬಾದ್
• ICAR-ರಾಷ್ಟ್ರೀಯ ಜಾನುವಾರು ಜೆನೆಟಿಕ್ ಸಂಪನ್ಮೂಲಗಳ ಬ್ಯೂರೋ (NBAGR), ಕರ್ನಾಲ್, ಹರಿಯಾಣ
• ಕರ್ನಾಟಕ ಪಶುವೈದ್ಯಕೀಯ, ಪಶು ಹಾಗೂ ಮೀನುಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ (KVAFSU), ಬೀದರ, ಕರ್ನಾಟಕ
• ತಮಿಳುನಾಡು ಪಶುವೈದ್ಯಕೀಯ ಮತ್ತು ಪಶು ವಿಜ್ಞಾನ ವಿಶ್ವವಿದ್ಯಾಲಯ (TANUVAS), ಚೆನ್ನೈ, ತಮಿಳುನಾಡು.
• ಕೇರಳ ಕೃಷಿ ವಿಶ್ವವಿದ್ಯಾಲಯ, ತ್ರಿಶೂರ್, ಕೇರಳ
• ಕೇರಳ ಪಶುವೈದ್ಯಕೀಯ ಮತ್ತು ಪಶು ವಿಜ್ಞಾನ ವಿಶ್ವವಿದ್ಯಾಲಯ (KVASU), ಪೂಕೊಡೆ, ಕೇರಳ
• ಬಿರ್ಸಾ ಕೃಷಿ ವಿಶ್ವವಿದ್ಯಾಲಯ, ರಾಂಚಿ, ಜಾರ್ಖಂಡ್
• ಅಸ್ಸಾಂ ಕೃಷಿ ವಿಶ್ವವಿದ್ಯಾಲಯ, ಖಾನಪಾರ, ಗುವಾಹಟಿ, ಅಸ್ಸಾಂ.
• ಮಹಾರಾಣಾ ಪ್ರತಾಪ್ ಕೃಷಿ ಮತ್ತು ತಂತ್ರಜ್ಞಾನ ವಿಶ್ವವಿದ್ಯಾಲಯ (MPUAT), ಉದಯಪುರ, ರಾಜಸ್ಥಾನ
• ನಾನಾಜಿ ದೇಶಮುಖ್ ಪಶು ಚಿಕಿತ್ಸಾ ವಿಜ್ಞಾನ ವಿಶ್ವ ವಿದ್ಯಾಲಯ, ಜಬಲಪುರ್, ಮಧ್ಯಪ್ರದೇಶ
• CSK ಹಿಮಾಚಲ ಪ್ರದೇಶ ಕೃಷಿ ವಿಶ್ವವಿದ್ಯಾಲಯ, ಪಾಲಂಪುರ್, ಹಿಮಾಚಲ ಪ್ರದೇಶ