ಮೊಟ್ಟೆ ಉತ್ಪಾದನೆಯಲ್ಲಿ ಪ್ರತ್ಯೇಕ ಕೋಳಿಗಳ ಕಾರ್ಯಕ್ಷಮತೆಯನ್ನು ತಿಳಿಯಲು ಹಿತ್ತಲಿನ ಕೋಳಿ ಸಾಕಣೆಯಲ್ಲಿ ಕೆಲವು ಮೂಲಭೂತ ದಾಖಲೆಗಳ ಅಗತ್ಯವಿರುತ್ತದೆ.
ಪ್ರತಿಯೊಂದು ಕೋಳಿಯೂ ನಿಯಮಿತವಾಗಿ ಪ್ರತ್ಯೇಕ ಗೂಡಿನಲ್ಲಿ ಮೊಟ್ಟೆ ಇಡುವುದರಿಂದ ಮತ್ತು ಹಿತ್ತಲಿನಲ್ಲಿ ಸಾಕಲಾಗುವ ಪಕ್ಷಿಗಳ ಸಂಖ್ಯೆಯೂ ತುಂಬಾ ಕಡಿಮೆ ಇರುವುದರಿಂದ ಮಾಹಿತಿಯನ್ನು ಸಂಗ್ರಹಿಸುವುದು ತುಂಬಾ ಸುಲಭ.
ಪ್ರತಿಯೊಂದು ಕೋಳಿಯ ಮೊಟ್ಟೆ ಇಡುವ ಸಾಮರ್ಥ್ಯ ಮತ್ತು ಮೊಟ್ಟೆ ಒಡೆಯುವಿಕೆಯ ಕಾರ್ಯಕ್ಷಮತೆಯ ಬಗ್ಗೆ ಮಾಹಿತಿಯನ್ನು ಪಡೆಯಬಹುದು ಮತ್ತು ಹೆಚ್ಚಿನ ಮೊಟ್ಟೆ ಉತ್ಪಾದನೆ ಮತ್ತು ಮೊಟ್ಟೆ ಒಡೆಯುವಿಕೆಯ ಸಾಮರ್ಥ್ಯ ಹೊಂದಿರುವ ಕೋಳಿಗಳನ್ನು ಮುಂದಿನ ಪೀಳಿಗೆಗೆ ಸಂತಾನೋತ್ಪತ್ತಿ ಮಾಡಲು ಆಯ್ಕೆ ಮಾಡಬಹುದು.
ಹಿತ್ತಲಿನ ಕೋಳಿ ಸಾಕಣೆಯ ಆಥಿ೯ಕತೆಯನ್ನು ವಿಶ್ಲೇಷಿಸಲು ವೆಚ್ಚಗಳು, ಉತ್ಪಾದನೆ ಮತ್ತು ಮಾರಾಟದ ದಾಖಲೆಗಳನ್ನು ಇಡುವುದು ಅಗತ್ಯವಾಗಿರುತ್ತದೆ.
ಉತ್ಪಾದನೆಯ ದಾಖಲೆಗಳನ್ನು ಇಡುವುದರಿಂದ ರೈತರು ಕಳಪೆ ಪ್ರದರ್ಶನ ನೀಡುವ ಕೋಳಿಗಳನ್ನು ಗುರುತಿಸಿ ಅದನ್ನು ಗುಂಪಿನಿಂದ ತೆಗೆದುಹಾಕಲು ಸಹಾಯ ಮಾಡುತ್ತದೆ. ರೈತರು ಅದೇ ಮಾಹಿತಿಯನ್ನು ಬಳಸಿಕೊಂಡು ಉತ್ತಮ ಪ್ರದರ್ಶನ ನೀಡುವ ಕೋಳಿಗಳನ್ನು ಗುರುತಿಸಿ, ಸಂತಾನೋತ್ಪತ್ತಿ ಮಾಡಲು ಆಯ್ಕೆ ಮಾಡಬಹುದು.
ಲಸಿಕೆ ಹಾಕುವುದು, ಜಂತುಹುಳು ನಿವಾರಣೆ ಮುಂತಾದ ವಿವಿಧ ನಿರ್ವಹಣಾ ಪದ್ಧತಿಗಳನ್ನು ದಾಖಲೆಗಳಲ್ಲಿ ಉಲ್ಲೇಖಿಸಬಹುದು.
